महाराष्ट्र २४ ।। विशेष प्रतिनिधी ।। दि. १५ जुन ।। मुलांना सर्कस आणि प्राणीसंग्रहालयाला भेट द्यायला आवडते. पण प्राणीसंग्रहालयाला भेट देण्यासाठी लहान मुलेच नव्हे, तर वडीलधारी मंडळीही येतात. भारतात अशी अनेक प्राणीसंग्रहालये आहेत, जिथे लोकांची गर्दी असते. बंगाल टायगर, सिंह आणि बिबट्यांसह या प्राणीसंग्रहालयात सर्व प्रकारचे प्राणी पाहून लोक आनंदी होतात. प्राणीसंग्रहालयातील पिंजऱ्यात हे भयानक प्राणी बंदिस्त असतात.
पण तुम्हाला माहित आहे का की चीनमध्ये एक प्राणीसंग्रहालय आहे, जिथे प्राणी नाही, तर माणसे पिंजऱ्यात असतात. हे तुम्हाला थोडे विचित्र वाटेल, पण यात तथ्य आहे. चला तर मग आम्ही तुम्हाला या वेगळ्या प्रकारच्या प्राणिसंग्रहालयाच्या फेरफटका मारायला घेऊन जातो, जिथे प्राणी मुक्तपणे संचार करतात.
चीनचे हे प्राणीसंग्रहालय जगभर प्रसिद्ध आहे. लेहे लेडू वन्यजीव प्राणीसंग्रहालयात वाघ आणि अस्वलांसह असे अनेक प्राणी मुक्तपणे फिरतात. विशेष म्हणजे हे प्राणी पाहण्यासाठी येणारे लोक स्वतःच पिंजऱ्यात कैद होतात. येथे खतरनाक प्राणी उघड्यावर फिरताना दिसतात.
या प्राणिसंग्रहालयाच्या अधिकाऱ्यांचे म्हणणे आहे की, या प्राणिसंग्रहालयाच्या माध्यमातून त्यांना धोकादायक प्राणी पाहण्यासाठी येणाऱ्या लोकांना सुरक्षितपणे अशा ठिकाणी पोहोचवायचे असते, जिथून ते त्यांना जवळून पाहू शकतील. या प्राणिसंग्रहालयात पिंजऱ्यासारख्या दिसणाऱ्या ट्रकमध्ये बसून लोकांना पर्यटनासाठी नेले जाते.
हा दौरा रोमहर्षक कसा करता येईल, याची काळजीही अधिकारी घेतात. त्यामुळे पिंजऱ्यातूनच मांसाचे तुकडे टांगले जातात, ते पाहून सिंह आणि वाघ पिंजऱ्याच्या अगदी जवळ येतात. हा प्रवास पाहण्यात जितका अप्रतिम आहे, तितकाच हृदय पिळवटून टाकणारा आहे.
त्यामुळे तुम्हालाही या रोमांचक ठिकाणाचा आनंद घ्यायचा असेल तर चीनच्या या प्राणीसंग्रहालयाला भेट द्यावी लागेल. आम्ही तुम्हाला सांगतो की येथे बुकिंग एक महिना आधीच मिळते.