महाराष्ट्र २४ ।। विशेष प्रतिनिधी ।। दि. ७ डिसेंबर ।। राज्यात थंडीचा कडाका वाढलाय.त्याचा शाळेत जाणाऱ्या लहान मुलांच्या आरोग्यावर परिणाम होतोय.त्यामुळे छत्रपती संभाजीनगर जिल्ह्यातील शालेय शिक्षण विभागाच्या शिक्षणाधिकाऱ्यांनी सर्व शाळा आणि संस्थाचालकांना सूचना करत शाळा सकाळी 9 नंतर भरवण्याचे आदेश दिलेत.तर आदेशाचे पालन न केल्यास कारवाईचा इशारा दिलाय.
डिसेंबर महिन्यातच राज्यात थंडीची लाट आलीय.. संभाजीनगरमध्ये पारा 12 अंशावर आलाय.. त्यामुळे मुलांना कडाक्याच्या थंडीतच शाळेत पाठवावं लागत आहे. मात्र आता प्रशासनाने सकाळी 9 नंतर शाळा भरवण्याचा निर्णय घेतल्याने मुलांच्या आरोग्याची काळजी घेणं शक्य होईल. छत्रपती संभाजीनगरच्या शिक्षणाधिकाऱ्यांनी शाळा आणि संस्थाचालकांना सकाळी 9 नंतर शाळा भरवण्याचे आदेश दिल्याने राज्यातील इतर जिल्ह्यातही या निर्णयाची चर्चा जोरदार रंगलीय.