✍️ महाराष्ट्र २४ | विशेष प्रतिनिधी | दि. ३० नोव्हेंबर २०२५ | दिल्लीतील लाल किल्ल्याजवळ झालेल्या भीषण कार बॉम्बस्फोटानंतर तपास यंत्रणा जवळजवळ प्रत्येक धागा शोधत फिरत होती. पण उमर-उन-नबीच्या कॉल डिटेल्सनी अचानक दिल्लीपासून थेट हल्द्वानीपर्यंतचा नकाशा काढून दाखवला… आणि सुरक्षा यंत्रणांनी धडधडत्या पावलांनी बनभूलपुरा गाठला.
‘बिलाली मशिदी’चा मौलाना कासमी अखेर जाळ्यात
दहशतवादी हल्ल्यात १५ निरपराधांचा बळी गेल्यानंतर तपास युद्धपातळीवर चालू होता. जैश-ए-मोहम्मदचा छुपा हात आधीच समोर आला होता. पण आत्मघाती हल्लेखोर मानल्या जाणाऱ्या डॉ. उमर-उन-नबीचे फोन कॉल्स चाळले तर त्यातील काही नंबर थेट हल्द्वानीतल्या एका मशिदीच्या इमामकडे जात होते.
याच धाग्याने शुक्रवारी रात्री उशिरा दिल्ली पोलिसांचे खास पथक व NIAची टीम बनभूलपुरा भागात शिरली. शांत रात्रीच्या अंधारात पाहता एकच—
“दबिश दिली गेली आहे!”आणि कासमी यांना त्यांच्या निवासस्थानातून ताब्यात घेण्यात आलं.
कासमींचा नेमका रोल काय?
याबाबत अधिकृत भूमिका अजून जाहीर नाही. मात्र ‘आरोपीचे थेट संपर्क एका धार्मिक स्थळाच्या प्रमुखाशी’— हीच माहिती पुरेशी होती हल्द्वानीत खळबळ माजवायला.
बनभूलपुरात तणाव; पोलिसांची कडेकोट बंदोबस्त
शनिवारी सकाळी बिलाली मशिदीजवळ पोलिसांचा ताफा उभा ठाकला. SP, CO यांच्यासह मोठं फौजफाटा पाहून परिसरात भीती, गोंधळ, शंकेची कुजबुज…“नेमकं सुरू तरी काय आहे?” असा माहोल.तपास अधिक गतीमान झाला असून, शहरभर तपासणी मोहीम सुरू.
अटकेचा आकडा ९ वर पोहोचला
२० नोव्हेंबरपासून सुरू झालेल्या अटक सत्रात आता कासमींचा समावेश होऊन आरोपींची संख्या ९ झाली आहे.
हल्द्वानीतील सलग दोन अटकांनंतर ही तिसरी मोठी कारवाई.
आता तपास यंत्रणांच्या टेबलावर एकच प्रश्न—या जाळ्याचा शेवट नेमका कुठे?