✍️ महाराष्ट्र २४ | विशेष प्रतिनिधी | दि. २६ ऑक्टोबर २०२५ | नामांतरणाचं वादळ थंड झालंय असं वाटत होतं, पण आता रेल्वेच्या फलकावरही ‘इतिहास’ लिहिला गेलाय! औरंगाबाद रेल्वे स्थानकाचं नाव अधिकृतपणे ‘छत्रपती संभाजीनगर’ करण्यात आलं असून नवा स्टेशन कोड ‘CPSN’ असा जाहीर करण्यात आला आहे.
तीन वर्षांपूर्वी तत्कालीन मुख्यमंत्री उद्धव ठाकरे सरकारने शहराचं नामकरण केलं होतं, मात्र रेल्वेचं नाव तेव्हाचं तेव्हंच राहिलं होतं. अखेर मध्य रेल्वे आणि राज्य सरकारने अधिसूचना काढून हा बदल कायम केला आहे.
पूर्वीचा ‘AWB’ कोड आता इतिहासजमा, आणि स्थानकावर लवकरच ‘छत्रपती संभाजीनगर’ अशी नवी पाटी लावली जाणार आहे. १९०० साली निजाम मीर उस्मान अली खानच्या काळात बांधलेलं हे स्टेशन आज ‘छत्रपतींच्या’ नावाने नवा इतिहास लिहितंय —मुघलांच्या सावलीतलं औरंगाबाद आता संभाजीराजांच्या प्रकाशात उजळलंय!