✍️ महाराष्ट्र २४ | विशेष प्रतिनिधी | दि. १८ नोव्हेंबर २०२५ – पिंपरी-चिंचवड महानगरपालिकेच्या निवडणुकीसाठी ११ नोव्हेंबरला काढलेल्या आरक्षण सोडतीनंतर राज्य निवडणूक आयोगाने दोन प्रभागांतील चार जागांचे आरक्षण बदलत मोठा धक्का दिला आहे. विशेषत: ओबीसी महिला आरक्षणात मोठा फेरबदल करण्यात आला असून, अनेक इच्छुकांचे राजकीय गणित एकाच झटक्यात बदलले आहे.
नेमका बदल काय?
प्रभाग ३० — (दापोडी, फुगेवाडी, कासारवाडी)
क जागा : आधी ओबीसीसाठी होती → आता ओबीसी महिला
ड जागा : आधी सर्वसाधारण महिला → आता सर्वसाधारण
प्रभाग १९ — (उद्योगनगर, विजयनगर, भाटनगर, पिंपरी कॅम्प)
ब जागा : आधी ओबीसी महिला → आता ओबीसी (महिला आरक्षण रद्द)
क जागा : आधी सर्वसाधारण → आता सर्वसाधारण महिला
अशा प्रकारे दोन प्रभागांतील चार जागांवर बदल करण्यात आला.
ही दुरुस्ती का झाली?
नियमाप्रमाणे — ज्या प्रभागात अनुसूचित जाती / जमातीची जागा असते, पण त्या प्रवर्गाची महिला जागा नसते, त्याठिकाणी ओबीसी जागा महिलांसाठी राखणे बंधनकारक असते. ही तरतूद प्रभाग ३० मध्ये लागू न झाल्याने निवडणूक आयोगाने चूक दुरुस्त करून नवीन आरक्षण जाहीर केले.
निवडणूक निर्णय अधिकारी सचिन पवार यांनी सांगितले की:१७ ते २४ नोव्हेंबर २०२५ दरम्यान नागरिकांना या आरक्षणावरील हरकती नोंदवता येतील.
नवीन आरक्षण चित्र
प्रभाग क्रमांक १९ — उद्योगनगर, विजयनगर, भाटनगर, पिंपरी कॅम्प
अ – अनुसूचित जाती – महिला
ब – ओबीसी
क – सर्वसाधारण महिला
ड – सर्वसाधारण
प्रभाग क्रमांक ३० — दापोडी, फुगेवाडी, कासारवाडी
अ – अनुसूचित जाती
ब – अनुसूचित जमाती – महिला
क – ओबीसी – महिला
ड – सर्वसाधारण
राजकीय परिणाम मोठे! या आकस्मिक बदलामुळे काही इच्छुकांचे आरक्षण कट काहींच्या जागा खुल्या तर काहींचे राजकीय पत्ते बदलणार हे निश्चित आहे.
तथापि, निवडणूक विभागाचा दावा — “ही दुरुस्ती नियमांनुसारच केली आहे.”