✍️ महाराष्ट्र २४ | विशेष प्रतिनिधी | दि. २४ नोव्हेंबर २०२५ | सरकारी कर्मचारी ८व्या वेतन आयोगाची वाट पाहत आहेत. आठवा वेतन आयोग लवकरच लागू होणार आहे. यासाठी सरकारने टर्म्स ऑफ रेफरन्सदेखील जारी केले आहेत. दरम्यान, या नवीन वेतन आयोगाअंतर्गत कर्मचाऱ्यांचा पगार कितीने वाढणार, फिटमेंट फॅक्टर किती असणार असा प्रश्न कर्मचाऱ्यांना पडलेला आहे. कर्मचाऱ्यांचा पगार हा फिटमेंट फॅक्टरवर अवलंबून असतो.
फिटमेंट फॅक्टर नक्की आहे तरी काय? (What is Fitment Factor)
फिटमेंट फॅक्टरच्या आधारे सरकारी कर्मचाऱ्यांचा नवीन पगार ठरवला जातो. यामुळे कर्मचाऱ्यांची जुनी बेसिक सॅलरी बदलली जाते. सातव्या वेतन आयोगात हा फिटमेंट फॅक्टर २.५७ होता. त्यामुळे त्याआधीच्या जुन्या बेसिक सॅलरीला २.५७ने गुणून नवीन बेसिक सॅलरी ठरवली होती. आता या नवीन वेतन आयोगात पगार किती होणार याकडे सर्वांचेच लक्ष लागले आहे.
कसा ठरवला जातो फिटमेंट फॅक्टर?
फिटमेंट फॅक्टर हा महागाई, लाइफस्टाइलचा खर्च, कुटुंबाच्या सामान्य गरजा यावर ठरवला जातो. यामध्ये खाण्यापिण्याच्या गोष्टी, घरभाडे या सर्व गोष्टींचा विचार केला जातो.
कितीने वाढणार फिटमेंट फॅक्टर?
वित्तीय फर्म एम्बिट कॅपिटलच्या रिपोर्टनुसार फिटमेंट फॅक्टर हा १.८३ ते २.४६ पर्यंत वाढू शकतो. सध्या कर्मचाऱ्यांची बेसिक सॅलरी १८००० आहे. जर फिटमेंट फॅक्टर १.८३ झाला तर हा पगार ३२,९४० होऊ शकतो. जर फिटमेंट फॅक्टर २.४६ झाला तर पगार ४४,२८० होऊ शकतो.
बेसिक सॅलरीत १४ ते ५४ टक्के वाढ होण्याची शक्यता आहे. दरम्यान, ५४ टक्के पगारवाढ होण्याची शक्यता कमी आहे. त्यामुळे सरकारवर अतिरिक्त ताण पडू शकतो. परंतु यामध्ये पगार वाढू शकतो.
आठव्या वेतन आयोगात १.९२ ते २.५७ पर्यंत फिटमेंट फॅक्टर होऊ शकतो. यामुळे कर्मचाऱ्यांचा पगार त्यांच्या ग्रेडनुसार वाढणार आहे. अद्याप याबाबत कोणतीही अधिकृत माहिती समोर आलेली नाही.