✍️ महाराष्ट्र २४ | विशेष प्रतिनिधी | दि. २५ नोव्हेंबर २०२५ | चीनच्या शांघाय पुडोंग विमानतळावर अरुणाचल प्रदेशातील एका भारतीय महिलेसोबत करण्यात आलेल्या असभ्य, अन्यायकारक आणि राजकीय हेतू दाखवणाऱ्या वागणुकीने मोठा वाद निर्माण केला आहे. महिला १८ तास अधिकाऱ्यांच्या ताब्यात, पासपोर्ट अवैध ठरवला आणि त्यासोबत चीनचा जुना दावा— “अरुणाचल चीनचा भाग” — पुन्हा रेटून दिला. ही माहिती महिलेनं X वर शेअर केल्यानंतर प्रकरण चांगलंच पेटलं.
🔥 भारताचा चीनला चोख, सडेतोड प्रत्युत्तर
भारताने या घटनेवर तीव्र निषेध नोंदवत चिनी दूतावासाला औपचारिक निवेदन दिलं आहे. भारताचा स्पष्ट संदेश : “अरुणाचल प्रदेश हा भारताचा अविभाज्य भाग. चीनचे दावे पूर्णपणे निराधार.” “भारतीय नागरिकांना असा अपमानकारक वागणूक देणे स्वीकारार्ह नाही.”
भारताने चीनच्या कारवाईला:
द्विपक्षीय संबंध बिघडवणारी, सार्वभौमत्वाचा अपमान करणारी, आंतरराष्ट्रीय नागरी विमान वाहतूक कायद्यांचे उल्लंघन करणारी
अशी तिखट शब्दात हाकलपट्टी केली आहे. भारतीय वाणिज्यदूतावासाच्या हस्तक्षेपानंतर महिलेला रात्री उशिरा प्रवास सुरू करण्याची परवानगी मिळाली.
🔎 भारताने विचारलेले कठोर प्रश्न
भारताने चीनकडून मागितले: या कारवाईचं स्पष्टीकरण भविष्यात अरुणाचलमधील भारतीय प्रवाशांना याप्रकारची छळवणूक होणार नाही, याची लिखित हमी
📌 घटना नेमकी काय घडली?
शांघाय पुडोंग विमानतळावर ट्रान्झिटमध्ये महिला थांबली चिनी अधिकाऱ्यांनी अतिरिक्त कागदपत्रांची मागणी केली व्हिसा व पासपोर्ट दाखवूनही — “पासपोर्ट अवैध” असा दावा त्यानंतर १८ तास ताबा सोशल मीडियावर घटना सार्वजनिक होताच भारताचा आक्रमक पवित्रा
🇮🇳 भारतात सुधारण्याची इच्छा — चीनकडून पुन्हा कुरघोडी?
गेल्या काही दिवसांत भारत-चीन संबंध सुधारण्यासाठी बैठकांची मालिका सुरू होती.पण या घटनेमुळे तणाव पुन्हा वाढलेला दिसतो.
