✍️ महाराष्ट्र २४ | विशेष प्रतिनिधी | दि. २६ नोव्हेंबर २०२५ | नोव्हेंबर शेवटाकडे… आणि सरकारी कामांच्या ‘डेडलाईन’चा काउंटडाउन सुरू! काही नियम ३० नोव्हेंबरला बंद होणार, तर काही १ डिसेंबरपासून बदलणार. वेळ हातातून निसटली की, पुढचं बघावं लागतं फक्त “काय चुकलं?” म्हणून. म्हणूनच ही सगळी यादी — थेट आणि सरळ भाषेत.
१️⃣ UPS पेन्शन स्कीम – आता शेवटची संधी!
शासकीय कर्मचाऱ्यांसाठी ‘युनिफाइड पेन्शन स्कीम’ निवडण्याचा धडाका ३० नोव्हेंबरपर्यंत. मुळात अंतिम तारीख ३० सप्टेंबर होती; नंतर वाढवली — पण आता बस्स! UPS हा NPSपेक्षा वेगळा मॉडेल. १ डिसेंबरपासून हा दरवाजा बंद! ज्यांनी निवडायचंय त्यांनी आजच अर्जाची फाईल उघडा, नाहीतर “आता उशीर झाला” हीच नोटीस मिळेल.
२️⃣ जीवन प्रमाणपत्र — पेन्शनधारकांसाठी महत्त्वाची घंटा!
दरवर्षीचं लाईफ सर्टिफिकेट ३० नोव्हेंबर हीच शेवटची तारीख. नाही दिलं? तर पेन्शनमध्ये ‘स्टॉप’चा लाल दिवा! सुखाची गोष्ट म्हणजे डिजिटल जीवन प्रमाणपत्र घरबसल्या मिळतं — पण ते वेळेवर केलं पाहिजे!
३️⃣ कर संबंधित कागदपत्रांचा शेवटचा टप्पा!
ऑक्टोबर २०२५ मध्ये TDS कापला असेल तर १९४-IA, १९४-IB, १९४M, १९४Sचं विवरण पत्र — ३० नोव्हेंबरला अंतिम मुदत. कलम ९२ई अंतर्गत ज्यांचा रिपोर्ट आवश्यक आहे, त्यांच्यासाठीही हीच शेवटची तारीख. आंतरराष्ट्रीय गटांसाठी फॉर्म 3CEEA? हो! हेदेखील ३० नोव्हेंबरपर्यंतच. १ डिसेंबरपासून या खिडक्या बंद.
४️⃣ एलपीजी दर — १ डिसेंबरपासून नवी किंमत!
दर महिन्याच्या पहिल्या दिवशी गॅस कंपन्या किंमती बदलतात. १ नोव्हेंबरला १९ किलोच्या व्यावसायिक सिलिंडरमध्ये ₹६.५०ची कपात झाली होती.
आता १ डिसेंबरला नवीन दर — वाढतील की कमी होतील, हे कंपन्यांच्या निर्णयावर.
५️⃣ एटीएफ किंमती — विमान वाहतुकीचा भार बदलणार!
एलपीजीप्रमाणेच, एव्हिएशन टर्बाइन फ्युएलचे दरही पहिल्या तारखेला बदलतात. १ डिसेंबरला एटीएफचे दर वर-खाली — काहीही होऊ शकतं.
आणि त्याचा थेट परिणाम होतो विमान भाड्यावर.
थोडक्यात — ३० नोव्हेंबर ही ‘लास्ट कॉल’!
पेन्शन, कर, लाइफ सर्टिफिकेट — कुठेही ढिलाई परवडणार नाही. आणि १ डिसेंबरपासून इंधनदरातील बदल तुमच्या खिशावर थेट परिणाम करणारच.