🔥 “डिसेंबर आला आणि नियमांचा झंझावात!” : टॅक्स–पेन्शन–LPG… आजपासून ६ मोठे बदल, खिशावर थेट परिणाम!

✍️ महाराष्ट्र २४ | विशेष प्रतिनिधी | सोमवार १ डिसेंबर | डिसेंबरची सुरुवात आणि नियमांचं पंचनामा दोन्ही एकाच दिवशी! एलपीजी गॅसपासून टॅक्सपर्यंत, तर पेन्शनपासून बँक सुट्ट्यांपर्यंत—आजपासून ६ महत्वाचे बदल लागू झाले आहेत. २०२५ चा शेवटचा महिना सामान्य नागरिकांसाठी दिलासा + दडपण अशा दोन्हींचा संगम घेऊन आलाय.

सुरुवात गॅसपासून—व्यावसायिक एलपीजी १० रुपयांनी स्वस्त, तर घरगुती सिलिंडर तसाच. हवाई इंधन ATF च्या दरातही फेरबदल, म्हणजेच विमान प्रवासाचाही हिशोब बदलणार. पेन्शनधारकांसाठी मात्र मोठा धक्का—लाइफ सर्टिफिकेटची मुदत संपली, नाहीतर पेन्शन थांबणार! सरकारी कर्मचाऱ्यांसाठी यूपीएसची निवड तारीखही काल बंद. टॅक्स नियमांच्या डेडलाइनही कालच पार झाल्या.

यात भर—डिसेंबरमध्ये तब्बल १७ दिवस बँका बंद, म्हणजेच योजना करा, नाहीतर अडकता कामा नये!
डिसेंबरचा पहिला दिवस म्हणावा तसा साधा नाही… खिशाचा हिशोब पुन्हा नव्यानं आखण्याचा दिवस!