🔥 प्रभाग 15- “नॉर्थ–साऊथची भिंत पाडत कमळाभोवती एकजूट

Spread the love

पिंपरी-चिंचवडमध्ये दक्षिण भारतीयांचा भाजपला जाहीर एल्गार!”

महाराष्ट्र 24 – ऑनलाईन – मंगेश खंडाळे- दिनांक 12 जाने- पिंपरी-चिंचवड शहरात रविवारी सायंकाळी घडलेले दृश्य हे केवळ राजकीय सभेपुरते मर्यादित नव्हते, तर ते भारताच्या एकतेचे जिवंत दर्शन होते. दक्षिण भारत मित्र मंडळाच्या बॅनरखाली प्राधिकरण येथील पर्ल बँक्वेट हॉलमध्ये पार पडलेल्या भव्य महासभेत हजारो दक्षिण भारतीय कुटुंबीयांनी उपस्थित राहून भारतीय जनता पक्षाला भक्कम पाठिंबा जाहीर केला. कर्नाटक, तमिळनाडू, केरळ आणि आंध्रप्रदेशातून रोजगार, उद्योग आणि प्रगतीच्या शोधात पिंपरी-चिंचवडमध्ये स्थायिक झालेल्या नागरिकांनी, “शहराचा विकास आणि देशाची एकता हेच आमचे राजकारण” असा स्पष्ट संदेश या सभेतून दिला. आगामी महापालिका निवडणुकीत कमळ चिन्हावर लढणाऱ्या सर्व भाजप उमेदवारांना एकमुखी पाठिंबा देण्याचा निर्धार उपस्थितांनी टाळ्यांच्या कडकडाटात व्यक्त केला.

सभेचे उद्घाटन करताना श्री. उण्णीकृष्णन यांनी परखड शब्दांत इशारा दिला. “देशाला नॉर्थ–साऊथच्या नावाखाली विभागण्याचा प्रयत्न करणाऱ्या शक्तींना आता थारा देता कामा नये. भारताची ताकद ही त्याच्या विविधतेत आहे, फाटाफुटीत नाही,” असे ठाम मत त्यांनी मांडले. पिंपरी-चिंचवडचा सर्वांगीण विकास साधायचा असेल, तर पंतप्रधान नरेंद्र मोदी आणि मुख्यमंत्री देवेंद्र फडणवीस यांच्या नेतृत्वाखाली सुरू असलेल्या विकासकामांना बळ देणे गरजेचे असून, त्यासाठी महापालिकेत भाजपची सत्ता अत्यावश्यक आहे, असे त्यांनी स्पष्ट केले. “रस्ते, पाणी, आरोग्य, शिक्षण आणि उद्योग – या सर्व क्षेत्रांत विकासाचा लाभ तळागाळापर्यंत पोहोचवण्याची क्षमता भाजपकडेच आहे,” असे सांगत त्यांनी उपस्थितांना मतदानासाठी सज्ज राहण्याचे आवाहन केले.

या महासभेला पिंपरी विधानसभा मतदारसंघाचे आमदार (एमएलसी) अमित गोरखे, प्रसिद्ध उद्योजक व राजकीय रणनीतीकार उमेशभाई चांदगुडे, तसेच उमेदवार अमित गावडे, राजू मिसाळ, शैलजा मोरे, कलभोर आणि प्रसाद शेट्टी यांनी उपस्थित राहून नागरिकांचा आशीर्वाद मागितला. युवा मोर्चाचे राज्य उपाध्यक्ष अनूप मोरे, उद्योजक उल्लास शेट्टी, सीएमएस अध्यक्ष टी. पी. विजयन्, एनएसएस अध्यक्ष विश्वनाथन नायर, एमसीएस अध्यक्ष महेश, देहू रोड मलयाळी समाजाचे अध्यक्ष श्रीजी, कैरळी समाजाचे अध्यक्ष टी. पी. रवी यांच्यासह विविध समाजसंस्थांचे मान्यवर मोठ्या संख्येने उपस्थित होते. कार्यक्रमाचे सूत्रसंचालन जिल्हा सचिव अभिजीत बोरसे यांनी केले, तर सचिन राऊत यांनी आभार मानले. या सभेने एकच संदेश दिला—पिंपरी-चिंचवडमध्ये विकासासाठी आणि एकतेसाठी कमळच फुलणार.