💥 सोन्याच्या दरात मोठी घसरण! १० तोळ्यांमागे तब्बल ८२०० रुपयांनी स्वस्त — खरेदीदारांसाठी सोन्याची ‘सुवर्णसंधी’ 💥

महाराष्ट्र 24 | विशेष प्रतिनिधी | दि. १५ जानेवारी | सोनं म्हणजे सुरक्षित गुंतवणूक… पण गेल्या काही दिवसांत या सुरक्षिततेची किंमत अक्षरशः गगनाला भिडली होती. प्रति तोळा सोन्याचा दर १ लाख ४० हजारांच्या पुढे गेल्यानंतर सामान्य ग्राहक अक्षरशः हैराण झाला होता. लग्नसराई, गुंतवणूक किंवा दागिन्यांची खरेदी सगळंच थांबलेलं होतं. मात्र आज सोन्याच्या बाजारातून दिलासादायक बातमी समोर आली आहे. आज अचानक सोन्याच्या दरात मोठी घसरण नोंदवली गेली असून १० तोळ्यांमागे थेट ८२०० रुपयांनी दर खाली आले आहेत. त्यामुळे “आज नाही तर कधीच नाही” असं म्हणत ग्राहक पुन्हा एकदा सराफ बाजाराकडे वळताना दिसत आहेत.

आजच्या घसरणीत सर्वाधिक फायदा झाला आहे २४ कॅरेट सोन्याच्या खरेदीदारांना. आज २४ कॅरेट सोनं प्रति तोळा ८२० रुपयांनी स्वस्त होऊन १,४३,१८० रुपये इतकं झालं आहे. ८ ग्रॅम सोन्याचा दर ६५६ रुपयांनी कमी होऊन १,१४,५४४ रुपये झाला आहे. विशेष म्हणजे १० तोळे सोनं थेट ८२०० रुपयांनी घसरून १४,३१,८०० रुपये इतकं झालं आहे. सलग वाढीमुळे गुदमरलेल्या बाजाराला ही घसरण म्हणजे थोडा श्वास मिळाल्यासारखी आहे. गुंतवणूकदारांसाठीही ही योग्य वेळ मानली जात आहे.

२२ कॅरेट सोन्याच्याही दरात लक्षणीय घट झाली आहे. आज २२ कॅरेट सोनं प्रति तोळा ७५० रुपयांनी घसरून १,३१,२५० रुपये झालं आहे. ८ ग्रॅमसाठी हा दर ६०० रुपयांनी कमी होऊन १,०५,००० रुपये इतका आहे. तर १० तोळ्यांचा दर ७५०० रुपयांनी घसरून १३,१२,५०० रुपये झाला आहे. दागिन्यांची खरेदी करणाऱ्या ग्राहकांसाठी ही घसरण अत्यंत महत्त्वाची मानली जात आहे. लग्नसराईच्या पार्श्वभूमीवर ही दरकपात म्हणजे बाजारात पुन्हा चैतन्य येण्याची शक्यता आहे.

१८ कॅरेट सोन्याचाही भाव आज खाली आला आहे. १८ कॅरेट सोनं प्रति तोळा ६१० रुपयांनी स्वस्त होऊन १,०७,३९० रुपये इतकं झालं आहे. ८ ग्रॅमसाठी ४८८ रुपयांची घसरण होऊन दर ८५,९१२ रुपये झाला आहे. तर १० तोळे सोनं ६१०० रुपयांनी घसरून १०,७३,९०० रुपये इतकं मिळत आहे. तज्ज्ञांच्या मते ही घसरण तात्पुरती असू शकते. आंतरराष्ट्रीय बाजार, डॉलरचे चढ-उतार आणि आगामी सण-लग्नसराई लक्षात घेता सोन्याचे दर पुन्हा वाढण्याची शक्यता नाकारता येत नाही. त्यामुळे सोने खरेदी करायची असेल, तर आजचा दिवस खरोखरच फायदेशीर ठरू शकतो.