🔥 भाजपची त्सुनामी! २९ महापालिकांवर भगवा फडकणार? शिंदे–पवार दुय्यम, ठाकरे बंधूंना मोठा धक्का; ‘महा एक्झिट पोल’चा खळबळजनक अंदाज 🔥

Spread the love

महाराष्ट्र 24 | विशेष प्रतिनिधी | दि. १५ जानेवारी | महाराष्ट्राच्या राजकारणात आज महानगरांचा कौल स्पष्ट होताना दिसतोय आणि तो कौल प्रचंड, निर्णायक आणि धक्कादायक आहे. मुंबई, पुण्यासह राज्यातील २९ महापालिकांसाठी झालेल्या मतदानानंतर सकाळ समूहाच्या महा एक्झिट पोलने राजकीय वर्तुळात भूकंप घडवला आहे. या सर्व्हेनुसार राज्यभरात भाजपची जबरदस्त लाट असून तब्बल २९ पैकी बहुतांश महापालिकांवर भाजपचा झेंडा फडकण्याचा अंदाज वर्तवण्यात आला आहे. विशेष म्हणजे, ही आघाडी इतकी मोठी असल्याचं चित्र आहे की “भाजपला शिंदे-पवारांची गरज तरी आहे का?” असा थेट सवाल उपस्थित झाला आहे.

मुंबई, पुणे, पिंपरी-चिंचवड, पनवेल, सोलापूरसह जवळपास सर्वच महापालिकांमध्ये भाजप सर्वात मोठा पक्ष ठरण्याचा अंदाज आहे. नागपूर, अकोला, अमरावती, जालना, नांदेड आणि जळगावमध्ये तर भाजपला एकहाती सत्ता मिळण्याची शक्यता वर्तवण्यात आली आहे. देवेंद्र फडणवीस, चंद्रशेखर बावनकुळे, रवींद्र चव्हाण यांच्यासह भाजपच्या आमदार-खासदारांनी केलेला आक्रमक, बूथ-केंद्रित प्रचार या निकालामागचं मुख्य कारण मानलं जात आहे. नगरपरिषदांनंतर आता महापालिकांमध्येही भाजपने राज्यात वर्चस्व सिद्ध केल्याचं चित्र या एक्झिट पोलमधून दिसत आहे.

सर्वाधिक चर्चेचा मुद्दा ठरतोय तो म्हणजे ठाकरे बंधूंचा फटका. तब्बल २० वर्षांनंतर उद्धव ठाकरे आणि राज ठाकरे एकत्र आले, मराठी अस्मितेचा नारा दिला, संयुक्त सभा घेतल्या, शाखा-फेऱ्या झाल्या; मात्र एक्झिट पोलचा अंदाज धक्कादायक आहे. मुंबईत उद्धव ठाकरे यांची शिवसेना दुसऱ्या क्रमांकावर, तर राज ठाकरेंच्या मनसेला केवळ १० जागांवर समाधान मानावं लागण्याची शक्यता आहे. ठाणे, कल्याण आणि नाशिकमध्ये ठाकरे बंधूंना दारूण पराभव सहन करावा लागेल, असा अंदाज वर्तवण्यात आला आहे. “भावनिक एकत्रीकरण झाले, पण मतदार जोडता आले नाहीत,” अशी राजकीय चर्चा सुरू झाली आहे.

मुंबई आणि उपनगरांमध्येही ठाकरेंची पकड सैल झाल्याचं चित्र आहे. नवी मुंबई, ठाणे, कल्याण, उल्हासनगर, भिवंडी, वसई-विरारमध्ये भाजप क्रमांक एकचा पक्ष ठरण्याची शक्यता आहे. काँग्रेस आणि राष्ट्रवादी काँग्रेसला मेट्रो शहरांमध्ये मोठा धक्का बसण्याची चिन्हं आहेत. पुणे आणि पिंपरी-चिंचवडमध्येही अजित पवारांची गणितं फसल्याचा अंदाज आहे. दुसरीकडे, एकनाथ शिंदेंची शिवसेना राज्यातील १५ ते २० महापालिकांमध्ये क्रमांक दोनचा पक्ष ठरू शकते, तर काही ठिकाणी सर्वात मोठा पक्ष ठरण्याचीही शक्यता वर्तवली जातेय. थोडक्यात काय— हा एक्झिट पोल खरा ठरला, तर महाराष्ट्राच्या महानगरांच्या राजकारणात ‘एकछत्री भाजप युग’ सुरू झालं, असं म्हटलं तरी वावगं ठरणार नाही.