✍️ महाराष्ट्र २४ ।। ऑनलाईन ।। विशेष प्रतिनिधी ।। दि. १३ मार्च २०२६ ।। गेल्या १२ दिवसांपासून Persian Gulf परिसरात सुरू असलेल्या युद्धाचे परिणाम आता जगभर दिसू लागले आहेत. United States आणि Iran यांच्यातील संघर्षामुळे जागतिक राजकारण, अर्थव्यवस्था आणि तेलबाजारावर मोठा परिणाम झाला आहे. एकीकडे अमेरिकेकडून इराणला दबावाखाली आणल्याचे दावे केले जात असताना, इराणने मात्र शेवटचा सैनिक जिवंत असेपर्यंत शस्त्र खाली ठेवणार नाही असा निर्धार व्यक्त केला आहे. मात्र युद्ध थांबवण्यासाठी इराणने आता तीन महत्त्वाच्या अटी पुढे केल्या आहेत.
इराणने मांडलेल्या अटींनुसार, त्यांच्या सार्वभौमत्वाला आणि कायदेशीर अधिकारांना पूर्ण मान्यता मिळावी. विशेषतः अणुऊर्जा कार्यक्रम आणि संरक्षणक्षमता यांबाबत कोणतीही मर्यादा लादू नये, अशी पहिली अट आहे. दुसरी अट म्हणजे या युद्धादरम्यान United States आणि Israel यांनी केलेल्या हल्ल्यांमुळे इराणचे झालेले नुकसान भरून काढण्यासाठी आर्थिक भरपाई देण्यात यावी. तर तिसरी अट अशी आहे की भविष्यात इराणवर पुन्हा कधीही लष्करी कारवाई होणार नाही, याची ठोस आणि आंतरराष्ट्रीय पातळीवरील लेखी हमी दिली जावी.
इराणचे राष्ट्राध्यक्ष Masoud Pezeshkian यांनी या तीन अटी जागतिक व्यासपीठावर मांडत आता चेंडू थेट White Houseकडे टोलवला आहे. आता या अटींवर United States आणि Israel काय भूमिका घेतात, याकडे संपूर्ण जगाचे लक्ष लागले आहे. हजारो निष्पाप लोकांचे प्राण गेले असून लाखो कुटुंबे उद्ध्वस्त झाली आहेत. त्यामुळे जगभरातून एकच मागणी होत आहे—युद्ध थांबवा. 🌍⚠️