महाराष्ट्र २४ – ऑनलाईन वृत्तसेवा – विशेष प्रतिनिधी – दि. ६ ऑक्टोबर – मुंबई – परप्रांतीय मच्छीविक्रेत्यांनी मुंबईतील डोंगरी मासळी बाजाराबाहेर मोठ्या प्रमाणात केलेल्या अतिक्रमणाचा प्रश्न घेऊन काल मनसे प्रमुख राज ठाकरे यांची कोळी महिलांनी भेट घेतली होती. त्यांच्यासाठी राज ठाकरे हे स्वत: कृष्णकुंज बाहेर आले आणि कोळी महिलांच्या समस्या जाणून घेत त्यांच्याशी संवाद साधला.
'राजसाहेब, अनधिकृत मासेविक्रेत्यांपासून आम्हाला त्रास होतोय. त्यांचा बंदोबस्त करा', कृष्णकुंजवर येऊन कोळी भगिनींनी राजसाहेबांकडे मदत मागितली आणि स्थानिक मनसे विभागाध्यक्ष संजय नाईक ह्यांनी २४ तासात त्या बेकायदा मासेविक्री करणाऱ्या मुजोरांना #मनसेदणका दिला. #आपलीमुंबई https://t.co/856h02igNo pic.twitter.com/tVdL5FT7jl
— MNS Adhikrut – मनसे अधिकृत (@mnsadhikrut) October 6, 2020
आमच्या व्यवसायाला परप्रांतीय विक्रेत्यांच्या मुजोरीमुळे मोठा फटका बसत असल्याचे गाऱ्हाणे या कोळी महिलांनी मांडले. त्याचबरोबर त्यांनी यावेळी राज ठाकरे यांच्याकडे त्याबेकायदा मच्छीविक्रेत्यांना हटवा, अशी मागणी केल्यानंतर कोळी महिलांची तक्रार ऐकून घेतली व राज ठाकरे यांनी हा प्रश्न मार्गी लावण्याचे आश्वासन दिले होते. यानंतर मनसेच्या स्थानिक विभागाध्यक्ष संजय नाईक यांनी २४ तासांतच बेकायदा मच्छीविक्री करणाऱ्या मुजोरांना दणका दिल्याची माहिती मनसेच्या अधिकृत ट्विटर हँडलवरुन देण्यात आली आहे.