✍️ महाराष्ट्र २४ ।। ऑनलाईन ।। विशेष प्रतिनिधी ।। दि. ११ मार्च २०२६ ।। देशातील विविध राज्यांमध्ये होत असलेल्या Rajya Sabha निवडणुकीत मोठी घडामोड घडली आहे. दहा राज्यांतील ३७ जागांसाठी निवडणूक जाहीर असताना सात राज्यांतील तब्बल २६ उमेदवार बिनविरोध निवडून आले आहेत. या यादीत ज्येष्ठ नेते Sharad Pawar, काँग्रेसचे वरिष्ठ नेते Abhishek Manu Singhvi तसेच केंद्रीय मंत्री Ramdas Athawale यांचा समावेश आहे. बिनविरोध निवडून आलेल्या २६ सदस्यांपैकी एनडीएचे ११ तर विरोधी पक्षांचे १५ सदस्य आहेत.
महाराष्ट्रातून सर्वच्या सर्व सात उमेदवार बिनविरोध निवडले गेले असून त्यामध्ये महायुतीचे सहा सदस्य आहेत. यामध्ये Sharad Pawar (राष्ट्रवादी काँग्रेस-शरद पवार), Ramdas Athawale (रिपाइं-आठवले), Vinod Tawde, रामराव वडकुते, माया इवनाते (भाजप), ज्योती वाघमारे (शिवसेना-शिंदे) आणि Parth Pawar (राष्ट्रवादी काँग्रेस-अजित पवार) यांचा समावेश आहे. अनेक राज्यांमध्ये विरोधी पक्षांनी उमेदवार न दिल्यामुळे या उमेदवारांची निवड बिनविरोध झाली.
दरम्यान, बिहार, ओडिशा आणि हरियाणा या राज्यांतील ११ जागांसाठी मात्र निवडणूक होणार आहे. बिहारमधील ५, ओडिशातील ४ आणि हरियाणातील २ जागांसाठी १६ मार्च रोजी मतदान होणार असून या ११ जागांसाठी १४ उमेदवार रिंगणात आहेत. या निवडणुकीत Nitish Kumar आणि भाजप नेते नितीन नबीन यांसारख्या नेत्यांच्या राज्यसभेत प्रवेशाची शक्यता वर्तवली जात आहे. त्यामुळे उर्वरित जागांसाठीची लढतही राजकीयदृष्ट्या महत्त्वाची ठरणार आहे.