महाराष्ट्र २४ – ऑनलाईन – प्रतिनिधी – दि. २० जून – पेट्रोल आणि डिझेलच्या किंमती दिवसेंदिवस वाढ होताना पाहायला मिळत आहे. पेट्रोल आणि डिझेलच्या दरांनी आधीच सर्वसामान्यांच्या खिशाला झळ पोहोचवलेली असताना आता दर दिवशी हे दर बहुतांश भागांमध्ये शंभरीचा आकडा ओलांडताना दिसत आहेत. आज पेट्रोलच्या किंमती 26 वरून 29 पैशांनी वाढल्या आहेत तर डिझेलची किंमत 30 पैशांनी वाढली आहे. मुंबईत आज पेट्रोल 103.36 रुपये तर डिझेल 95.44 रुपये प्रति लिटर पोहोचलं आहे. शनिवारी देशभरातील तेलाचे दर स्थिर होते.
1 मे पासून पेट्रोल आणि डिझेलच्या किंमती 27 वेळा वाढ करण्यात आली आहे. या वाढीमुळे राजधानी दिल्लीत पेट्रोलच्या दरात प्रति लिटर 6.83 रुपयांची वाढ झाली. तर डिझेलच्या दरात प्रतिलिटर 7.24 रुपयांनी वाढ झाली आहे
देशातील प्रमुख शहरांतील पेट्रोल-डिझेलच्या किंमती
मुंबई : पेट्रोल 103.36 रुपये तर डिझेल 95.44 रुपये प्रति लिटर
कोलकाता : पेट्रोल 97.12 रुपये तर डिझेल 90.82 रुपये प्रति लिटर
चेन्नई : पेट्रोल आज 98.40 रुपये तर डिझेल 92.58 रुपये प्रति लिटर
बंगळुरु : पेट्रोल 100.47 रुपये आणि डिझेल 93.26 रुपये प्रति लिटर