महाराष्ट्र २४ । विशेष प्रतिनिधी । दि. २९ जुलै । Gmail अकाउंटचा वापर कुठेही करावा लागू शकतो. एखाद्या सायबर कॅफेमध्ये किंवा इतर ठिकाणी जीमेल अकाउंट लॉग-इन केलं आणि लक्षात न राहिल्याने ते लॉग-आउट करायंच राहून जातं. अशावेळी मेलमधील वैयक्तिक माहिती कोणी पाहिली किंवा गैरवापर झाला तर अशी भीती असते. परंतु आता असं झालं तरीही घाबरण्याची गरज नाही. दुसरीकडे लॉग-आउट करायचं राहिलं असेल, तरी मोबाईलवरच कुठेही ओपन असलेलं तुमचं जीमेल अकाउंट लॉग-आउट करता येऊ शकतं.
तुमचं Gmail अकाउंट किती लॅपटॉप, डेस्कटॉपवर सुरू आहे, याची माहिती तुमच्या मोबाईलवरच मिळेल. यासाठी मोबाईलच्या गुगल क्रोमवर Gmail सुरू करावं लागेल. इथे जीमेल अकाउंट आयडी आणि पासवर्ड टाका.
गुगल क्रोमवर लॉग-इन केल्यानंतर एक पेज दिसेल. तिथे स्क्रोल करुन View Gmail in: Mobile/ Older version/Desktop दिसेल. आता Desktop वर क्लिक करा. त्यानंतर ज्याप्रमाणे डेस्कटॉपवर gmail दिसतं. तसे सर्व मेल एकत्र दिसतील.
या पेजवर स्क्रोल करुन सर्वात खाली आल्यानंतर तुमच्याकडून वापरल्या गेलेल्या gmail ची माहिती मिळेल. याच माहितीच्या बाजूला Details दिसतील. त्या लाईनमध्ये Last Account Acitivity पर्याय दिसेल. त्यानंतर डिटेल्सवर क्लिक करावं लागेल.
डिटेल्सवर क्लिक केल्यानंतर एक पेज दिसेल, जिथे gmail recent actiivty दिसेल. त्यामध्ये तुमचं जीमेल अकाउंट कोणत्या ब्राउजरवर, कोणत्या आयपी अॅड्रेसवर किती वेळ सुरू होतं हे दिसेल. परंतु हे किती सिस्टममध्ये अद्यापही सुरू आहे, हे पाहण्यासाठी Security Checkup वर क्लिक करावं लागेल. येथे Your devices वर क्लिक करुन, सर्व सिस्टमची माहिती मिळेल, जिथे तुमचं gmail account ओपन आहे. येथेच साइड पॅनेलवर क्लिक करुन ते लॉग-आउट करू शकता.