महाराष्ट्र 24 – मुंबई –
राज्यभरातील कमाल आणि किमान तापमानामध्ये वाढ होत आहे. मुंबईतील तापमान गेल्या आठवड्याच्या तुलनेत सध्या सहन करण्यासारखे असले तरी मध्य महाराष्ट्रात तापमानाचा पारा मात्र चढताच आहे. राज्यात रविवारी अहमदनगर येथे सर्वाधिक म्हणजे ३६.८ अंश सेल्सिअस तापमान नोंदवले गेले. राज्यभरातील कमाल आणि किमान तापमानामध्ये वाढ होत आहे. मुंबईतील तापमान गेल्या आठवड्याच्या तुलनेत सध्या सहन करण्यासारखे असले तरी मध्य महाराष्ट्रात तापमानाचा पारा मात्र चढताच आहे. राज्यात रविवारी अहमदनगर येथे सर्वाधिक म्हणजे ३६.८ अंश सेल्सिअस तापमान नोंदवले गेले.
मुंबईत रविवारी सांताक्रूझ येथे ३३.६ तर कुलाबा येथे ३२ अंश सेल्सिअस कमाल तापमान होते. तर किमान तापमान २० अंशांखाली असल्याने सकाळच्या वेळेत उकाडा जाणवायला सुरुवात झालेली नाही. सांताक्रूझ व कुलाबा येथे रविवारी अनुक्रमे १९.१ व २०.५ अंश सेल्सिअस किमान तापमान नोंदवले गेले. कोकण विभागात किमान तापमान सरासरीच्या आसपास होते. मात्र मध्य महाराष्ट्रात काही ठिकाणी किमान तापमान सरासरीहून ४ अंशांहून अधिक नोंदले गेले. मराठवाड्यात बीड येथे किमान तापमानाचा पारा सरासरीहून ५.७ अंशांनी अधिक होता. बीडचे तापमान २१ अंशांपर्यंत पोहोचले आहे. विदर्भाच्या किमान तापमानातही हळूहळू वाढ होत आहेत. विदर्भातील किमान तापमान १८ ते १९ अंशांदरम्यान नोंदवले गेले. हे तापमान सरासरीहून २ ते ३ अंशांनी अधिक आहे. केवळ गोंदिया येथे किमान तापमानाचा पारा कमी आहे. रविवारी राज्यातील सर्वात कमी किमान तापमान गोंदिया येथे १३.२ अंश सेल्सिअस नोंदवले गेले. येत्या दोन दिवसांमध्ये किमान तापमानामध्ये फार बदल अपेक्षित नसल्याचे हवामान विभागाने स्पष्ट केले आहे. त्यानंतर मात्र हळूहळू हे तापमान आणखी वाढत जाईल, अशी शक्यता आहे.
मध्य महाराष्ट्रातील कमाल तापमानाचा पारा रविवारी कोकणापेक्षा अधिक चढलेला होता. पुणे येथे ३४.४, जळगाव येथे ३४.६, सांगली येथे ३५.२, सोलापूर येथे ३५.८ अंश सेल्सिअस कमाल तापमानाची नोंद झाली. कोकणात रत्नागिरीचा पारा ३५.९ अंशांवर पोहोचला आहे. रत्नागिरीचे तापमान सरासरीपेक्षा ५.१ अंशांनी अधिक होते. तर विदर्भाचा पारा पण ३३ ते ३६ अंशांदरम्यान होता.