महाराष्ट्र २४ । विशेष प्रतिनिधी । दि . ६ जानेवारी । भारतीय हवामान विभागाच्यावतीनं पुढील चार दिवसात विदर्भ, उत्तर महाराष्ट्र आणि मराठवाड्यातील विविध ठिकाणी पाऊस पडण्याचा अंदाज व्यक्त करण्यात आला आहे. उत्तर भारतावरील ताज्या वेस्टर्न डिस्टर्बन्सचा (WD) प्रभाव पडण्याची दाट शक्यता असल्यानं महाराष्ट्रात 6 ते 9 जानेवारी दरम्यान हलका ते मेघगर्जनेसह पाऊस होण्याची शक्यता आहे. आयएमडीनं 8 आणि 9 जानेवारीला विदर्भातील काही जिल्ह्यांन यलो ॲलर्ट केला आहे. महाराष्ट्रासह नवी दिल्ली, पंजाब, हरियाणा आणि मध्य भारतात पाऊस होण्याचा अंदाज वर्तवण्यात आला आहे.
राज्यात हलक्या पावसाची शक्यता
उत्तरेकडील वेस्टर्न डिस्टर्बन्सचा परिणाम महाराष्ट्रातील वातावरणावर जाणवणार आहे. येत्या चार दिवसात राज्यातील मराठवाडा, विदर्भ आणि उत्तर महाराष्ट्रातील विविध जिल्ह्यात हलक्या पावसाची शक्यता वर्तवण्यात आली आहे.
6 जानेवारी : धुळे,नंदुरबार
7 जानेवारी : धुळे,नंदुरबार,जळगाव,नाशिक,अहमदनगर
8 जानेवारी : ठाणे पालघर व उत्तर महाराष्ट्र,विदर्भातील काही भाग
9 जानेवारी : मराठवाडा आणि विदर्भातील काही भाग
पुढील चार दिवसात अवकाळी पावसाची शक्यता
हवामान विभागाकडून विदर्भ आणि मराठवाडा आणि उत्तर महाराष्ट्रात आगामी 4 दिवसात पाऊस होण्याची शक्यता वर्तवण्यात आली आहे. 6 ते 9 जानेवारी दरम्यान उत्तर महाराष्ट्रातील धुळे नंदूरबार आणि जळगाव या जिल्ह्यात पाऊस होण्याची शक्यता वर्तवण्यात आलीय. तर नाशिक,अहमदनगर ठाणे आणि पालघर मध्येही पाऊस होण्याची शक्यता आहे. मराठवाडा आणि विदर्भातील काही भागामध्येही पाऊस हजेरी लावू शकतो, असा अंदाज वर्तवण्यात आला आहे.
भारतीय हवामान विभागानं पुढील चार दिवसांसाठी पावसाचा अंदाज व्यक्त केला आहे. वेस्टर्न डिस्टर्बन्स मुळं बुलडाणा, अकोला, अमरावती, वर्धा, नागपूर जिल्ह्यांना 8 जानेवारीला यलो अॅलर्ट देण्यात आलाय. तर, 9 जानेवारीला अमरावती, वाशिम, यवतमाळ, वर्धा, नागपूर, चंद्रपूर, भंडारा, गोंदिया, गडचिरोली जिल्ह्याला यलो अॅलर्ट देण्यात आलाय.
आगामी चार दिवसांमध्ये मराठवाडा, उत्तर महाराष्ट्र आणि विदर्भातील विविध जिल्ह्यांमध्ये पाऊस होण्याची शक्यता आहे. कोरोना आणि आर्थिक संकटातून सावरणाऱ्या शेतकऱ्यांचं अवकाळी पावसानं आणखी एकदा नुकसान होण्याची भीती आहे.