महाराष्ट्र २४ । विशेष प्रतिनिधी । दि . ६ जानेवारी । तुम्हाला पासपोर्ट बनवायचा असेल किंवा बँकेत खाते उघडायचे असेल, तर तुम्हाला ओळख (Identity) आणि रहिवासी पुरावा (Residential Proof) म्हणून शिधापत्रिका म्हणजेच रेशन कार्ड (Ration Card) वापरता येते. वाहन चालविण्याचा परवाना (Driving License) बनवण्यासाठीदेखील हा वैध पुरावा (Valid Proof) मानला जातो. शिधापत्रिका असल्यास एलपीजी कनेक्शन मिळणे सोपे होते.
कोरोना महामारीच्या पार्श्वभूमीवर शासनाकडून (Government) सर्व शिधापत्रिकाधारकांना दर महिन्याला मोफत धान्य (Free Grains on Ration Card) दिले जात आहे. सध्या देशात सुमारे 80 कोटी लोक याचा लाभ घेत आहेत. शिधापत्रिकेचे फायदे एवढ्यापुरतेच मर्यादित नसून इतरही अनेक कामे सुलभ करतात.
आता सरकारने ‘वन नेशन, वन रेशन कार्ड’ (One Nation, One Ration Card) लागू केले आहे. या बदलानंतर तुम्ही देशात कुठेही कोणत्याही राज्याच्या शिधापत्रिकेचा लाभ घेऊ शकता. ते बनवण्याची प्रक्रिया अगदी सोपी आहे आणि ऑनलाइन अर्ज घरी बसून करता येतो
रेशन कार्डसाठी ऑनलाइन अर्ज करण्याची प्रक्रिया जाणून घेण्यापूर्वी, त्याचे फायदे काय आहेत ते जाणून घेऊया. शिधापत्रिकेची सर्वात महत्त्वाची गोष्ट म्हणजे ते ओळखपत्र आणि पत्ता पुरावा या दोन्ही रूपात वापरले जाऊ शकते. अनेक उद्देशांसाठी वैध आयडी आणि पत्ता पुरावा म्हणून रेशनकार्ड उपयोगात आणता येतं. रेशनकार्डच्या माध्यमातून तुम्हाला मोफत अन्नधान्याव्यतिरिक्त, अनुदानावर अन्नपदार्थ आणि इंधन (Fuel) खरेदी करू शकता.