महाराष्ट्र २४ । विशेष प्रतिनिधी । दि .१९ जानेवारी । आंतरराष्ट्रीय क्रिकेट परिषदेने (ICC) वर्षातील सर्वोत्तम टी-२० पुरुष आंतरराष्ट्रीय संघ (ICC Men’s T20I Team of the Year) जाहीर केला. या संघात कोणत्याही भारतीय खेळाडूला स्थान मिळालेले नाही. या संघात बाबर आझम, मोहम्मद रिझवान आणि शाहीन आफ्रिदीसह तीन पाकिस्तानी खेळाडूंचा समावेश आहे. बाबर आझमला या संघाचे नेतृत्व सोपवण्यात आले आहे. आशिया खंडातून, श्रीलंकेचा वानिंदू हसरंगा आणि मुस्तफिझूर रहमान हे अन्य दोन खेळाडू प्लेइंग इलेव्हनमध्ये निवडले गेले आहेत. मात्र यामध्ये एकाही भारतीयाचा सहभाग नाही.
मागील वर्षी झालेल्या टी-२० विश्वचषकात भारत अपयशी ठरला. बाबरला कर्णधार म्हणून निवडण्याच्या निर्णयाबाबत आयसीसीने सांगितले, “पाकिस्तानचा कर्णधार बाबर २०२१ मध्ये टी-२० फॉरमॅटमध्ये दर्जेदार खेळाडू ठरला, त्याने टी-२० विश्वचषक स्पर्धेत सर्वोत्तम कामगिरी केली होती. तो या स्पर्धेत सर्वाधिक धावा करणारा खेळाडू होता. २०२१ मध्ये, बाबरने २९ आंतरराष्ट्रीय टी-२० सामने खेळले आणि ९३९ धावा केल्या, त्यात एक शतक आणि नऊ अर्धशतकांचा समावेश आहे.”
आयसीसी टी-२० आंतरराष्ट्रीय संघ: जोस बटलर, मोहम्मद रिझवान (यष्टीरक्षक), बाबर आजम (कप्तान), एडन मार्कराम, मिचेल मार्श, डेव्हिड मिलर, तबरेज शम्सी, जोस हेजलवूड, वानिंदू हसरंगा, मुस्तफिजुर रहमान, शाहीन आफ्रिदी.