महाराष्ट्र २४ । विशेष प्रतिनिधी । दि . ९ ऑक्टोबर ।
मेष
डोळे लाल होणे, घसा दुखणे ,रक्त दाब या समस्या होऊ शकतात. दाताची दुखणी होतील. मंगळ जोडीदाराची काळजी घ्या, गैरसमज व कलह टाळा असे सुचवीत आहे. सर्वार्थाने सांभाळून राहावे असा संकेत देत आहे. वैवाहिक जीवनात समस्या येऊ शकतात. जपून राहावे. कार्यक्षेत्रात होणाऱ्या उलढाली चकित करतील. शुभ चंद्र घरात आनंदी वातावरण ठेवेल. संतती आनंदी राहील. आर्थिक स्थिती मजबूत करेल. सप्ताह शुभ आहे .
वृषभ
एक प्रकारची कठीण स्थिती आहे. स्थानबदल होऊ शकतो. मानसिक ताण वाढेल .पंचम स्थानातील रवि समाजातील मोठ्या व्यक्तीकडून लाभ मिळवून देईल. भाग्य स्थानातील शनि धार्मिक आस्था निर्माण करील. शुभ चंद्र खरेदीचे योग आणेल. बहीण भाऊ भेटतील. काही महत्वाचे निर्णय घ्याल .एकूण सप्ताहात आनंदी वातावरण राहिल. आर्थिक नुकसान होऊ शकते.
मिथुन
आर्थिक नुकसान, मित्र मैत्रिणींची भेट, प्रवास असा हा आठवडा जाईल. आर्थिक भरभराट, प्रवास योग करतील. मंगळ मात्र सांभाळून राहण्याचा संकेत देत आहे. मेष राशीत राहू संततीसंबंधी शुभ समाचार देईल. कार्यक्षेत्रात अतिशय महत्वाची व्यक्ती भेटेल.तुमचा अधिकार वाढेल.जबाबदारी देखील वाढेल.ईश्वराची आराधना करावी. एकूण सप्ताह व पौर्णिमा शुभ जाईल .
कर्क
तुमचे नाव होईल. दशमस्थनात राहू कार्यक्षेत्रात बदल करेल. राहत्या घरात देखील बदल होण्याचे संकेत आहेत. सप्तम शनि जोडीदाराची काळजी घ्यावी ,कलह करू नये असे सुचवीत आहे. तृतीय शुक्र शुभ घटनांची चाहूल देईल . सप्ताह व पौर्णिमा आनंदात जाईल.
सिंह
पोटासंबंधी तक्रारी असतील तर काळजी घ्या. गुडघेदुखी त्रास देईल . भाग्य स्थानात राहु धार्मिक आस्था डळमळीत करेल. वडिलार्जित संपत्ती संबंधी विवाद होतील. चंद्र घरा संबंधी अडचणी निर्माण करेल. वैवाहिक जीवन ठीक असेल . पौर्णिमा मिश्र फळ देईल.
कन्या
राशीच्या व्यक्तींच्या प्रकृतीच्या तक्रारी मध्ये वाढ होईल.कमरेचे ,दातांचे विकार त्रास देतील. जोडीदाराला शुभ योग आणेल. वैवाहिक जीवनात सुख मिळेल. स्त्रियांनी विशेष करून सांभाळून असावे . संसर्ग जन्य रोगांपासून सावधान. सप्तम गुरू आणि राशीतील शुक्र ही ग्रह स्थिती व्यवसाय आणि जीवनात शुभ समाचार देईल. आर्थिक बाबतीत प्रगती होईल .व्यवसाय धंद्यात काही चांगली बातमी कळेल. सप्ताह शुभ जाईल . पौर्णिमा आनंदाची.
तुला
इतके दिवस तुम्ही विचित्र,निदान न होणाऱ्या दुखण्यानी त्रस्त झाले असाल तर आता त्यातून मुक्ती मिळेल. हा बदल तुम्हाला निश्चित सुखावह राहील. वैवाहिक जीवनात वादळ येण्याची शक्यता आहे. नवीन ओळखी पासून सावध रहा. रवि कार्यक्षेत्रात चांगला बदल घडवेल .ह्या काळात अनेक बदल होतील.सप्ताह मध्यम फळ देणारा ठरेल.
वृश्चिक
शैक्षणिक लाभ,उच्च शिक्षणासाठी परदेश यात्रा असा हा सप्ताह शुभ फळ देणारा आहे. व्यय स्थानातील केतू प्रकृती संबंधीतक्रारी निर्माण करेल. मंगळ शत्रूवर विजय मिळवून देईल . गुरू घरासाठी शुभ असून अनेक बदल होतील .नवीन वास्तू होईल. प्रवासाचे योग येतील. मात्र सांभाळून रहा.शनि वक्री आहे .सप्ताह लाभदायक ठरेल. सार्वजनिक जीवनात यश मिळेल. पौर्णिमा शुभ.
धनु
वाहन खरेदी कराल. षष्ठ स्थानात प्रवेश करणार मंगळ शत्रूकडून कष्ठ होतील असे सांगत आहे. उच्च शिक्षणासाठी चांगला काळ. नवविवाहित जोडप्यांना गोड बातमी मिळू शकते .पण काळजी घ्या.आर्थिक देणेघेणे टाळा. मोठे व्यवहार लांबणीवर टाकण्याचा निर्णय घ्या. कार्यक्षेत्रात चांगली कामगिरी कराल. पौर्णिमा व सप्ताह शुभ.
मकर
स्वभाव पराक्रमी आणि आग्रही झाला असून टोकाचे निर्णय घेऊ नये. चतुर्थात राहू स्थान बदल नक्की घडवून आणेल. घर, वाहन या संबंधी दुरुस्ती निघेल. आईवडिलांच्या प्रकृतीची काळजी घ्या. गैरसमज टाळा.घरात काही कार्य होतील . पौर्णिमेच्या सुमारास काही घटना घडतील. सप्ताह आनंदात जाईल.
कुंभ
आर्थिक अडचणी जाणवतील.प्रकृती जपा. मीनेचा गुरू कुटुंबात शुभ घटना घडतील असे सुचवीत आहे. तृतीय स्थानात राहू व भाग्यात केतू धार्मिक निष्ठा वाढवेल . बहीण भावामध्ये गैरसमज होऊ देऊ नका. पराक्रमात वाढ करेल. पौर्णिमा आर्थिक लाभाची ठरेल. सप्ताह आनंदात जाऊ शकतो.
मीन
कुटुंबात काही गैरसमज होणार नाही याची काळजी घ्या. अचानक कुठूनतरी धन प्राप्ती होईल. मंगळ मित्र मंडळी पासून सावध राहण्याचे संकेत देत आहेत . संततिकडे लक्ष असू द्या .प्रवास योग येतील. सप्ताह व पौर्णिमा शुभ फळ देणार ठरेल .