महाराष्ट्र २४ । विशेष प्रतिनिधी । दि . २ मे । जमिनीवर बसण्याचे शरीरास अनेक फायदे आहेत. त्यामुळे पूर्वीच्या काळी लोक बहुतांश काम ही जमिनीवर बसूनचं करत होती. अगदी जेवणही लोक जमिनीवर एकत्र बसून जेवायचे. आयुर्वेदात ही सवय आपल्या आरोग्यासाठी खूप फायदेशीर असल्याचे सांगितले आहे. जेव्हा आपण खूप थकलेलो असतो त्यावेळी जमिनीवर थोडावेळ बसल्यानंतर लगेच आराम वाटतो, आजही भारताच्या अनेक लहान, मोठ्या घरांमध्ये लोक जमिनीवर बसून अन्न खातात, त्यामुळे आम्ही तुम्हाला काही मिनिटे जमिनीवर बसण्याच्या सवयीमुळे शरीरास मिळणारे फायदे सांगणार आहोत.
आयुर्वेद तज्ज्ञांनी सांगितले जमिनीवर बसण्याचे फायदे
आयुर्वेद तज्ज्ञ वारा यनामंद्र या बऱ्याच आरोग्यासंबंधीत टिप्स शेअर करत असतात. त्यांनी आपल्या एक सोशल मीडिया पोस्टमध्ये जमिनीवर बसण्याचे फायदे सांगितले होते. जमिनीवर बसण्याचा मोठा फायदा हा मणक्याला होतो. अनेकांना वाटते आपल्या पाठीचा मणका सरळ आहे पण खरं तर तो s आकारात आहे. अनेकदा चुकीच्या पद्धतीने बसल्याने मणक्यात वेदना जाणवात. पण काही मिनिटे जमिनीवर सरळ बसून तुम्हाला या वेदनांपासून आराम मिळू शकतो.
या पद्धतीमुळे हाडांचे जोड मजबूत होतात, तसेच त्यात संतुलन आणि स्थिरता येते. रोज काही मिनिटे जमिनीवर बसल्याने शरीर अधिक मजबूत होते, असे तज्ज्ञांचे मत आहे.
पण अनेक लोक जमिनीवर बसण्याची सवय विसरत आहेत. परंतु या सवयीमुळे शरीर मजबूत होते. तसेच हिप फ्लेक्सर्सना याचा फायदा होतो. कंबर आणि त्याच्या खालच्या स्नायू जमिनीवर बसल्याने मजबूत होतात.
जमिनीवर किंवा जमिनीवर बसण्याचा एक फायदा म्हणजे बसण्याची मुद्रा सुधारते. याचा फायदा असा आहे की, यामुळे तुम्हाला वाकून बसण्याची सवय सोडण्यास मदत होते.
जमिनीवर बसताना ‘या’ गोष्टी लक्षात ठेवा
जमिनीवर बसताना नेहमी आडव्या पायांनी म्हणजेच सुखासनाच्या आसनात बसावे. आणि या दरम्यान अजिबात वाकून बसू नका.
मणक्यात दुखत असेल तर नितंबाखाली उशी घेऊन बसा.
जर तुम्ही जमिनीवर बसण्याची सवय करत असाल, तर मध्ये-मध्ये तुमचे पाय पसरवा.