महाराष्ट्र २४ । विशेष प्रतिनिधी ।। दि. १९ मे ।। सध्या तरी स्मार्टफोन नसलेल्यांची संख्या मोठी आहे. याचा अर्थ, एक मोठी लोकसंख्या फीचर फोन वापरते, जी इंटरनेट सुविधांपासून दूर आहे. अशा मोबाईल वापरकर्त्यांसाठी, नॅशनल पेमेंट कॉर्पोरेशन ऑफ इंडिया म्हणजेच NPCI ने स्मार्टफोन आणि इंटरनेटशिवाय ऑनलाइन पेमेंट करण्याची सुविधा उपलब्ध करून दिली आहे.
अशा परिस्थितीत जर तुमच्याकडे स्मार्टफोन नसेल किंवा फोनमध्ये इंटरनेट उपलब्ध नसेल, तर तुम्ही स्मार्टफोन आणि इंटरनेटशिवाय ऑनलाइन पेमेंट करू शकता. यामध्ये UPI123Pay वापरून UPI पेमेंट करता येते. इंटरनेटशिवाय UPI पेमेंट करण्यासाठी, तुमच्या फोनमध्ये USSD सेवा सक्रिय असावी. तसेच, तुमच्या बँक खात्यात पैसे असावेत. आम्ही तुम्हाला सांगतो की इंटरनेटशिवाय UPI पेमेंटची मर्यादा ₹ 2000 प्रति व्यवहार आणि ₹ 10000 प्रतिदिन आहे.
कसे करायचे UPI पेमेंट
सर्वप्रथम तुमच्या फोनवर 99# डायल करा.
यानंतर तुम्हाला 1 पर्याय निवडावा लागेल.
त्यानंतर तुम्हाला व्यवहाराचा प्रकार निवडावा लागेल.
यानंतर, ज्या UPI खात्यावर तुम्हाला पैसे पाठवायचे आहेत, त्याचा UPI आयडी, फोन नंबर किंवा बँक खाते क्रमांक टाका.
नंतर पाठवायची रक्कम प्रविष्ट करा.
तुमचा UPI पिन टाका.
यानंतर “पाठवा” वर टॅप करा.
टीप – आम्ही तुम्हाला सांगतो की फक्त काही बँका USSD कोडद्वारे इंटरनेटशिवाय UPI पेमेंट करण्याची सुविधा देतात.