महाराष्ट्र २४ । विशेष प्रतिनिधी । दि. १३ ऑक्टोबर । गडकरी मराठी सिनेमाची सर्वांना उत्सुकता होती. सिनेमात नितीन गडकरींची भूमिका कोण साकारणार हे मात्र अनेक दिवसांपासून गुलदस्त्यात होतं. अशातच गडकरी सिनेमाबद्दल मोठी अपडेट समोर आलीय.
सिनेमात केंद्रीय मंत्री नितीन गडकरींची भूमिका कोण साकारणार याचा खुलासा झालाय. कोण आहे हा कलाकार? जाणून घ्या सविस्तर.
हा कलाकार साकारणार नितीन गडकरींची भूमिका
यापूर्वी गडकरी या चित्रपटाचे पोस्टर, टिझर झळकल्यानंतर प्रेक्षकांना उत्सुकता होती ती, नितीन गडकरी यांची भूमिका कोण साकारणार याची. आता या चित्रपटाचे दुसरे पोस्टर झळकले असून यातील ‘गडकरी’ यांचा चेहरा समोर आला आहे.
नितीन गडकरी यांची भूमिका राहुल चोपडा साकारणार आहेत. तर त्यांच्या पत्नीची म्हणजेच कांचन गडकरी यांची भूमिका ऐश्वर्या डोरले साकारणार आहे.
https://www.instagram.com/gadkarithefilm/?utm_source=ig_embed&ig_rid=188a7d25-7097-409b-a956-778bf9517ae9
सिनेमातले इतर कलाकार
या व्यतिरिक्त गडकरी या चित्रपटात नितीन गडकरी यांच्या मित्रांच्या भूमिकेत अभिलाष भुसारी, पुष्पक भट, अभय नवाथे, वेदांत देशमुख दिसतील तर पत्रकाराची भूमिका तृप्ती प्रमिला केळकर हिने साकारली आहे.
अशाप्रकारे गडकरी सिनेमात तगड्या कलाकारांची स्टारकास्ट दिसतेय.