महाराष्ट्र २४ ।। विशेष प्रतिनिधी ।। दि.१५ सप्टेंबर ।। तंत्रज्ञानाच्या आधुनिक युगात, व्हॉट्सअ‍ॅपने केवळ स्मार्टफोनपुरतेच आपले जग मर्यादित ठेवले नाही, तर आता लॅपटॉपवर देखील व्हिडिओ किंवा व्हॉइस कॉल करण्याची सोय उपलब्ध आहे. लॅपटॉपवर व्हॉट्सअ‍ॅप कॉल कसे करायचे याबद्दल अनेकजण अडचणीत असतात. म्हणूनच, तुमच्या सोयीसाठी आम्ही अगदी स्टेप-बाय-स्टेप प्रोसेस सांगणार आहोत.
व्हॉट्सअ‍ॅप कॉलिंग फीचरची वैशिष्ट्ये
व्हॉट्सअ‍ॅप अँड्रॉइड, iOS, आणि वेब व्हर्जनवर एन्ड-टू-एन्ड एन्क्रिप्टेड कॉलिंगची सुविधा देते. यामध्ये व्हॉइस आणि व्हिडिओ कॉलचा समावेश असून, तुम्ही जगभरातील तुमच्या संपर्कांशी संवाद साधू शकता. मुख्य म्हणजे, यासाठी केवळ स्थिर इंटरनेट कनेक्शनची आवश्यकता आहे.
व्हॉट्सअ‍ॅप कॉलिंग फीचरमध्ये ‘कॉल लिंक’ आणि ग्रुप व्हॉइस कॉलिंगची सुविधा आहे, ज्यामध्ये एकावेळी ३२ व्यक्तींच्या कॉलचा समावेश होऊ शकतो. तसेच, समूह व्हिडिओ कॉलिंगमध्ये ८ जण एकत्र येऊ शकतात.
लॅपटॉपवर व्हॉट्सअ‍ॅप कॉल कसे कराल?
व्हॉट्सअ‍ॅप डेस्कटॉप कॉलिंग फीचर सध्या केवळ व्हॉट्सअ‍ॅप वेब अ‍ॅपवर उपलब्ध आहे. यासाठी तुमच्याकडे खालील ऑपरेटिंग सिस्टिम असावी.
– Mac OS X 10.10 किंवा त्यावरील आवृत्ती
– Windows 10 (64-बिट किंवा 32-बिट)
तुमच्या लॅपटॉपवर व्हॉट्सअ‍ॅप व्हिडिओ किंवा व्हॉइस कॉल करण्यासाठी मायक्रोसॉफ्ट स्टोअर किंवा मॅक अ‍ॅप स्टोअरमधून व्हॉट्सअ‍ॅप अ‍ॅप इन्स्टॉल करा. याशिवाय, कॉल करण्यासाठी तुमच्या लॅपटॉपला ऑडिओ आउटपुट डिव्हाइस आणि मायक्रोफोन जोडावा लागेल. तसेच, व्हॉट्सअ‍ॅपला तुमच्या मायक्रोफोन आणि कॅमेराचा ऍक्सेस द्यावा लागेल.
कॉल कसे कराल?
1. तुमच्या व्हॉट्सअ‍ॅप चॅटमध्ये जा आणि ज्या व्यक्तीला कॉल करायचा आहे ती व्यक्ती निवडा.
2. व्हिडिओ किंवा व्हॉइस कॉल आयकॉनवर क्लिक करा.
3. कॉलदरम्यान माइक म्यूट किंवा अनम्यूट करण्यासाठी माइक आयकॉनवर क्लिक करू शकता किंवा कॅमेरा ऑन किंवा ऑफ करण्यासाठी कॅमेरा आयकॉनवर क्लिक करू शकता.
व्हॉइस कॉलमधून व्हिडिओ कॉलमध्ये कसे स्विच कराल?
व्हॉइस कॉलदरम्यान, तुम्ही तुमच्या संपर्क करणाऱ्या व्यक्तीस व्हिडिओ कॉलवर स्विच करण्याची विनंती करू शकता. समोरची व्यक्ती “स्विच” किंवा “कॅन्सल” पर्याय निवडून कॉलचा प्रकार बदलू शकते.
व्हॉट्सअ‍ॅप वेबच्या माध्यमातून लॅपटॉपवर कॉल करणं आता सोपं झालं आहे. या फीचरचा वापर करून तुम्ही आरामात तुमच्या लॅपटॉपवरून व्हिडिओ किंवा व्हॉइस कॉल करू शकता.