महाराष्ट्र २४ । विशेष प्रतिनिधी ।। दि. ९ एप्रिल ।। MS Dhoni News: इंडियन प्रीमियर लीग 2024 स्पर्धेतील 22 वा सामना चेन्नई सुपर किंग्स विरुद्ध कोलकाता नाईट रायडर्स संघात झाला. एमए चिदंबरम (चेपॉक) स्टेडियमवर झालेल्या या सामन्यात चेन्नईने 7 विकेट्सने विजय मिळवला.
दरम्यान, या सामन्यातही स्टेडियममध्ये चेन्नईचा माजी कर्णधार एमएस धोनीला मोठा पाठिंबा मिळाला. कोलकाताने दिलेल्या 138 धावांच्या आव्हानाचा पाठलाग करताना चेन्नईला ३ धावांची गरज असताना धोनी पाचव्या क्रमांकावर फलंदाजीला उतरला.
Russell's reaction is Gold. ????????
– The Craze for Dhoni….!!!!!pic.twitter.com/r7iePy96Op
— Johns. (@CricCrazyJohns) April 8, 2024
धोनी फलंदाजीसाठी मैदानात उतरताच प्रेक्षकांमधून त्याच्या नावाने जयघोष करण्यात आला. त्यावेळी स्टेडियममधील आवाजाची पातळी जवळपास 125 डेसिबलपर्यंत ब्रॉडकास्टरकडून नोंदवली गेली.
हा आवाज इतका होता की कोलकाताकडून बाऊंड्री लाईन जवळ क्षेत्ररक्षण करत असलेल्या आंद्र रसेलला त्याचे कानही झाकावे लागले. या प्रचंड आवाजामुळे कान झाकल्याचा त्याचा व्हिडिओ आणि फोटोही सध्या व्हायरल होत आहेत.
दरम्यान, अखेरीस धोनी 1 धावेवर नाबाद राहिला, तर त्याच्याबरोबर चेन्नईचा कर्णधार ऋतुराज गायकवाड 58 चेंडूत 67 धावा करून नाबाद राहिला. त्याआधी चेन्नईकडून शिवम दुबेने 28, डॅरिल मिचेलने 25 आणि रचिन रविंद्रने 15 धावांची खेळी केली. त्यामुळे चेन्नईने 17.4 षटकातच 3 विकेट्स गमावत 138 धावांचे आव्हान पूर्ण केले.