महाराष्ट्र २४ । विशेष प्रतिनिधी ।। दि. १८ एप्रिल ।। जेव्हा तुम्ही ट्रेनने प्रवास करता, तेव्हा तुम्हाला नेटवर्कच्या समस्यांना सामोरे जावे लागते. अशा परिस्थितीत काही वेळा महत्त्वाची कामेही मध्येच अडकून पडतात. पण रेल्वे प्लॅटफॉर्मचे फ्री वायफाय कनेक्ट करता आले तर? यामुळे तुमची अनेक कामे मार्गी लागतील. इंटरनेट लोकांसाठी खूप महत्वाचे आहे. भारतीय रेल्वेला हे चांगलेच ठाऊक आहे, म्हणूनच ते आपल्या अनेक स्थानकांवर मोफत वायफाय सुविधा देत आहे.
अशा परिस्थितीत आपल्या सोयीसाठी एवढी काळजी घेतली जात असताना, मग त्याचा फायदा का घेऊ नये. विनामूल्य वाय-फाय कनेक्ट करण्यासाठी या स्टेप्स फॉलो करा.
अर्ध्या तासापेक्षा जास्त वापरल्यास आकारले जाईल शुल्क
तुम्ही रेल्वे प्लॅटफॉर्मवर अर्धा तास किंवा त्याहून अधिक वेळ वायफाय कनेक्ट करू शकता आणि त्याचा फायदा घेऊ शकता. हे वाय-फाय Railtel Railwire या नावाने उपलब्ध करून देण्यात आले आहे. यासाठी तुम्हाला फक्त 10 रुपयांचा पॅक खरेदी करावा लागेल.
कनेक्ट करण्यासाठी फॉलो करा या स्टेप्स
यासाठी सर्वात आधी तुमच्या स्मार्टफोनमधील वायफाय सेटिंग्जमध्ये जा. यानंतर रेल्वे नेटवर्क निवडा. यानंतर railwire.co.in या वेबसाइटवर जा.
येथे तुमचा मोबाईल नंबर टाका आणि सबमिट करा. यानंतर तुमच्या स्मार्टफोनवर OTP येईल. रेल्वे नेटवर्क पासवर्डच्या जागी हा OTP टाका आणि कनेक्ट वर क्लिक करा.
आता तुम्ही Railwire शी कनेक्ट झाला आहात, आता तुम्ही मोफत WiFi चा आनंद घेऊ शकता.
हाय स्पीड 5GB डेटा
रेल्वे स्थानकांवर, तुम्ही दररोज 30 मिनिटांपर्यंत मोफत इंटरनेट वापरू शकता. वाय-फाय सेवा 1Mbps पर्यंत गती देते. मात्र अर्ध्या तासापेक्षा जास्त वायफाय वापरल्यास त्यासाठी शुल्क भरावे लागेल. Railwire आपल्या वापरकर्त्यांना फक्त 10 रुपयांपासून सुरू होणाऱ्या इंटरनेट पॅकेजची यादी ऑफर करते. या किंमतीत तुम्हाला 34Mbps पर्यंत हाय स्पीडवर 5GB डेटा मिळेल. लक्षात ठेवा की या पॅकेजची वैधता फक्त एका दिवसासाठी असते.
याशिवाय रेल्वेवायरची इंटरनेट सेवा फक्त रेल्वे स्थानकावर उपलब्ध आहे. तुमच्या रेल्वे प्रवासात याचा उपयोग होत नाही. तुम्ही Railwire.co.in वर जाऊन Railwire चे इंटरनेट पॅकेज तपशील मिळवू शकता. येथे पेमेंट पर्यायांमध्ये तुम्हाला नेट बँकिंग, वॉलेट, क्रेडिट कार्ड आणि UPI मिळत आहेत. तुम्ही तुमच्या सोयीनुसार पेमेंट पद्धत निवडू शकता.
ट्रेनमध्ये ऑर्डर करा ऑनलाइन जेवण
फ्री वायफाय मिळाले, आता ट्रेनमध्ये लांबच्या प्रवासात भूक लागल्यावर बऱ्याच वेळा ट्रेनचा तोच ठरलेला मेनू खावासा वाटत नाही. जर तुमच्यासोबतही असे झाले असेल, तर तुम्ही ट्रेनमध्ये तुमच्या आवडीचे पदार्थ खाऊ शकता. ऑनलाइन ऑर्डर करून तुम्ही ट्रेनमध्येच डिलिव्हरी मिळवू शकता. यासाठी तुम्हाला फक्त ही प्रक्रिया फॉलो करावी लागेल.
वेबसाइटवरून जेवण ऑर्डर करण्यासाठी, प्रथम www.eCatering.irctc.co.in वर जा.
यानंतर तुमच्या ट्रेनचे नाव आणि नंबर काळजीपूर्वक भरा. बोर्डिंगची तारीख आणि स्टेशन निवडा, त्यानंतर Find Food पर्यायावर क्लिक करा.
येथे तुमच्या आवडीचे रेस्टॉरंट निवडा आणि कार्डमध्ये तुमच्या आवडीचे पदार्थ टाका.
हे केल्यानंतर तुमचा पीएनआर नंबर टाका आणि जेवणाची ऑर्डर द्या. यानंतर, जेवण तुमच्या सीटवर पोहोचेल आणि तुम्ही जेवणाचा आनंद घेऊ शकाल.