महाराष्ट्र २४ ।। विशेष प्रतिनिधी ।। गुरुवार दि. १३ मार्च ।। Milk Prive Rate News : महागाईचा चटका सर्वसामान्यांना सगळीकडे बसत असताना आता दुधाच्या दरातही २ रुपयांनी वाढ होणार आहे. दूध उत्पादक व प्रक्रिया कल्याणकारी संघाच्या सभासदांची बैठक पुणे जिल्हा सहकारी दूध उत्पादक संघ मर्यादित, कात्रज डेअरीमध्ये घेण्यात आली. त्यामध्ये हा निर्णय एकमताने घेण्यात आला. यावेळी विविध सहकारी व खासगी संघांचे ४७ प्रतिनिधी उपस्थित होते.
२ रुपयांप्रमाणे दरवाढीचा निर्णय एक मताने झाला आहे. सध्याच्या महागाईच्या पार्श्वभूमीवर दूध उत्पादक शेतकऱ्यांच्या हिताचा विचार करून हा निर्णय झाला आहे. वाढीव दर हे १५ मार्चपासून लागू करण्यात येणार आहेत.-
या बैठकीमध्ये पनीर भेसळ रोखण्यासाठी जनजागृती करण्याबाबत चर्चा झाली. शेतकऱ्यांचे प्रलंबित अनुदान लवकरात लवकर देण्याबाबत शासनाकडे मागणी करण्याबाबत, एफडीए अन्न व औषध प्रशासन मंत्री/अधिकारी व दुग्धविकास मंत्री यांची भेट घेऊन भेसळखोरांवर कडक कारवाईची मागणी करण्याबाबतही चर्चा झाली.
सध्याचे दर—-वाढीव दर
गाईचे दूध-५४ ते ५६ रुपये—५६ ते ५८ रुपये
म्हशीचे दूध—७० ते ७२ रुपये—-७२ ते ७४ रुपये