महाराष्ट्र २४ ।। विशेष प्रतिनिधी ।। दि. ९ एप्रिल ।। सोनं- चांदी खरेदी करणाऱ्यांसाठी आनंदाची बातमी आहे. सोन्याच्या दरात पुन्हा घसरण झाली आहे. तर चांदीचा भाव वाढला आहे. त्यामुळे लग्नसराईसाठी सोनं खरेदी करणाऱ्यांनी आता तयार राहावे. जळगावच्या सराफा बाजारामध्ये सोन्याच्या दरात ३०० रुपयांनी घसरण झाली. तर चांदीचे दर १२०० रुपयांनी वाढले आहेत.
मिळालेल्या माहितीनुसार, जळगावच्या सराफा बाजारामधील सोनं-चांदीच्या दराची नवीन अपडेट समोर आली आहे. जळगावात सोन्याच्या दरात ३०० रुपयांची घसरण होऊन ते ८८ हजार ५०० रुपये प्रति तोळ्यावर पोहचले आहे. मात्र, चांदीच्या भावात १ हजार २०० रुपयांची वाढ होऊन ती ९१ हजार रुपये प्रति किलोवर पोहोचली आहे. सोन्याचे दर कमी झाल्यामुळे सोनं खरेदी करण्यासाठी ही सुवर्णसंधी आहे.
गेल्या काही दिवसांपासून अमेरिकन सरकारच्या टॅरिफ कराच्या धोरणामुळे सोनं-चांदीच्या भावात सातत्याने घसरण होत आहे. यामध्ये सोन्याच्या तुलनेत चांदीच्या भावात जास्त घसरण होत आहे. आठवडाभरात १२ हजार रुपयांनी घसरण होऊन सोमवारी ८९ हजार २०० रुपयांवर आलेल्या चांदीतील घसरणीला ब्रेक लागला. सध्या चांदीमध्ये १ हजार २०० रुपयांची वाढ होऊन ती ९१ हजार रुपयांवर पोहोचली.
जळगावच्या सराफा बाजारामध्ये सोन्याच्या भावात घसरण कायम होत आहे. सध्या सोन्याचे दर ३०० रुपयांनी कमी होऊन ८८ हजार ५०० रुपयांवर आले आहेत. त्यामुळे आता सोनं खरेदी करण्यासाठी नागरिकांना ही चांगली संधी आहे. महत्वाचे म्हणजे, गेल्या काही दिवसांपासून सोन्याच्या दरात होणारी घसरण पाहता सोनं खरेदी करण्यासाठी ग्राहक सराफा बाजारात मोठी गर्दी करत आहेत.