महाराष्ट्र २४ – ऑनलाईन वृत्तसेवा – विशेष प्रतिनिधी – लंडन – दि. २६ ऑगस्ट – टेस्ट क्रिकेट इतिहासातला सगळ्यांत यशस्वी फास्ट बॉलर होण्याचा मान जेम्स अँडरसनने पटकावला आहे. पाकिस्तानच्या अझर अलीला आऊट करत जेम्स अँडरसनने 600व्या विकेट्सची नोंद केली. हा विक्रम करणारा अँडरसन हा टेस्ट क्रिकेटच्या इतिहासातला पहिला फास्ट बॉलर आहे. सर्वाधिक विकेट्स पटकावणाऱ्यांच्या यादीत अँडरसन चौथ्या स्थानी आहे.
2003 मध्ये झिम्बाब्वेविरुद्ध लॉर्ड्स इथे अँडरसनने पदार्पण केलं होतं. अँडरसनच्या पहिल्या ओव्हरमध्ये झिम्बाब्वेच्या बॅट्समननी 17 धावा कुटल्या. परंतु तिसऱ्या ओव्हरमध्ये अँडरसनने मार्क व्हरम्युलेनला आऊट करत खातं उघडलं. पहिल्याच टेस्टमध्ये अँडरसनने डावात पाच विकेट्स घेण्याची करामत केली.
इंग्लंडमध्ये वापरल्या जाणाऱ्या ड्यूक बॉल कुकाबुरा चेंडूच्या तुलनेत अधिक स्विंग होतो. अँडरसनच्या यशात ड्यूक बॉलचा वाटा मोठा आहे.
क्रिकेटची पंढरी असलेल्या लॉर्ड्स इथं अँडरसनच्या नावावर 103 विकेट्स आहेत. लॉर्ड्स इथे 23 टेस्टमध्येच अँडरसनने विकेट्सची शंभरी ओलांडली आहे.