महाराष्ट्र २४ ।। विशेष प्रतिनिधी ।। दि. १३ जुलै ।।
पावसाळ्यात संधिवात वाढू शकतो, त्यामुळे आहारात गरम, अँटी-इन्फ्लेमेटरी आणि सांधांना पोषण देणारे पदार्थ घ्यावेत.
आंबट, थंड आणि जड पदार्थ टाळावेत जे संधिवात अधिक वाढवू शकतात.
हळद, आलं, मेथी आणि गरम पाणी हे घरगुती उपाय संधिवात कमी करण्यात मदत करू शकतात.
पावसाळ्यात उन्हाच्या तीव्र झळांपासून आराम मिळतो. पण, अनेकांसाठी हा ऋतू त्रासदायक ठरतो. ज्या लोकांना संधिवाताचा त्रास असतो त्यांना जास्त वेदनादायी ठरतो. या ऋतूमध्ये आर्द्रता आणि तापमानातील चढउतारांमुळे संधिवाताच्या रुग्णांच्या समस्या वाढतात. पावसाळ्यात संधिवाताच्या रुग्णांना सांधेदुखी, सूज, कडकपणा आणि इतर अनेक समस्या येऊ लागतात. त्यामुळे संधिवाताच्या रुग्णांनी पावसाळ्यात आहाराची काळजी घेणे गरजेचे असते.
काय खावे?
संधिवाताचा त्रास असलेल्या लोकांनी आहारात ओमेगा-३ फॅटी अॅसिडयुक्त पदार्थांचा समावेश करावा. अक्रोड, चिया बियाणे, जवस बियाणे, सॅल्मन आणि ट्यूना हे ओमेगा-३ चे चांगले स्रोत आहेत.
संधिवाताच्या रुग्णांसाठी अँटीऑक्सिडंट्सने समृद्ध असलेले अन्न देखील आवश्यक आहे .
संधिवाताच्या रुग्णांनी हळद आणि आले यांचे सेवन करावे. यामुळे वेदना आणि सुज कमी होते.
संधिवाताच्या रुग्णांनी कॅल्शियम आणि व्हिटॅमिन डी समृद्ध असलेले पदार्थ खावेत. तुम्ही तुमच्या आहारात चीज, टोफू, तीळ इत्यादींचा समावेश नक्कीच करावा.
संधिवाताच्या रुग्णांनी थंड किंवा साध्या पाण्याऐवजी कोमट पाणी प्यावे . हे पचनासाठी देखील आवश्यक आहे.
काय खाणे टाळावे?
सांधेदुखीच्या रुग्णांनी पावसाळ्यात जास्त मीठ खाणे टाळावे. यामुळे सूज येण्याची समस्या वाढू शकते.
संधिवाताच्या रुग्णांनी तळलेले आणि जंक फूड टाळावे. यामुळे शरीरात कोलेस्टेरॉल वाढू शकते. तसेच, यामुळे सांध्यांना सूज आणि वेदना होऊ शकतात.
दुग्धजन्य पदार्थ मर्यादित प्रमाणात खावे.
पावसाळ्यात थंड पदार्थ खाणे टाळा. भातही खाऊ नये.
शिळे अन्न अजिबात खाऊ नका. यामुळे शरीरात वात दोष वाढू शकतो.
डिस्क्लेमर : सदर लेख फक्त सामान्य माहितीसाठी आहे. आम्ही अशा कोणत्याही गोष्टींची पुष्टी करत नाही. अधिक तपशीलांसाठी तुम्ही तज्ज्ञांचे मार्गदर्शन घेऊ शकता.