✍️ महाराष्ट्र २४ | विशेष प्रतिनिधी | दि. २३ ऑक्टोबर २०२५ | अरे दिवाळीचं सोनं म्हणे? पण या वेळी सोन्यानेच आपला पिवळा रंग हरवला! लक्ष्मीपूजनाच्या दुसऱ्याच दिवशी बाजारात धाडकन् पडलं सोने, आणि चांदीचं तर दिवाळंच निघालं. गेल्या १२ वर्षातली ही सगळ्यात मोठी आपटी — म्हणजे बाजारात ‘धक्का’ नव्हे, धडाम!
मंगळवारी सोन्याचा दर तब्बल ६.३% नी घसरला, आणि चांदीने तर ७% नी गडगडून गुडघे टेकले! १ लाख ३१ हजारांचं सोने आता १ लाख २६ हजारांवर आलं — इतकं स्वस्त की सोनार सुद्धा घामाघूम!
चांदी? ती तर आत्ता १.८५ लाखांवरून थेट १.५९ लाखांवर आली — म्हणजे सण संपता संपता ‘वायफळ खर्च’चं प्रतीक झाली.
तरी काय गंमत बघा — भाव पडला की ग्राहक दुकानात धाव घेतात, आणि भाव वाढला की सगळ्यांना “घसरेल, घसरेल” असं वाटतं. पण हाच तो बाजार — जिथं सोने हसतं, आणि चांदी रडते!
🔹 सोनं (24 कॅरेट): ₹1,26,003 प्रति 10 ग्रॅम
🔹 चांदी: ₹1,59,900 प्रति किलो
🔹 22 कॅरेट सोनं: ₹1,15,540 प्रति 10 ग्रॅम
अरे मंडळी, हीच ती वेळ आहे — सोन्याला स्वस्ताईची झळ बसली, पण लवकरच पुन्हा चढाईचं रणशिंग फुंकणार. कारण लक्षात ठेवा — सोनं पडतं फक्त उंच उडण्यासाठी! 💪💰