🔥 “तळपायाची आग मस्तकात गेली!” – राज ठाकरेंचा संताप अनावर; निवडणूक आयोगावर फुलझड्यांचा वर्षाव! 🔥

✍️ महाराष्ट्र २४ | विशेष प्रतिनिधी | दि. ४ नोव्हेंबर २०२५ | राजकारणात बोलायला धाडस लागते… आणि ते धाडस अजूनही फक्त एका माणसात आहे — राज ठाकरे! राज्य निवडणूक आयोगाने नगरपरिषद आणि नगरपंचायतींच्या निवडणुकीची घोषणा केली आणि पत्रकार परिषद घेतली. पण त्या पत्रकार परिषदेनंतर, अनेकांच्या मनात शंका, पण राज ठाकरेंच्या मनात संताप!

एक्सवर पोस्ट करत राज ठाकरेंनी अक्षरशः फटकेबाजी केली —

आजच्या निवडणुका आयोगाच्या पत्रकार परिषदेची क्लिप मला कोणीतरी पाठवली. ती पाहून तळपायाची आग मस्तकात गेली ! आणि आता १००% खात्री पटली की निवडणूक आयोग स्वायत्त आहे हे फक्त संविधानात आहे.. हे सत्ताधाऱ्यांच्या हातचं बाहुलं आहे… दुबार मतदार नोंदणीपासून, ते मतदार यादीतील अनेक घोळ या… pic.twitter.com/DizmmWTOkH

— Raj Thackeray (@RajThackeray) November 4, 2025

“आजच्या निवडणूक आयोगाच्या पत्रकार परिषदेची क्लिप पाहिली… आणि तळपायाची आग थेट मस्तकात गेली! आता १०० टक्के खात्री पटली की निवडणूक आयोग स्वायत्त आहे हे फक्त संविधानात आहे. प्रत्यक्षात तो सत्ताधाऱ्यांच्या हातचं बाहुलं आहे!”

👊 ‘उत्तर द्यायचं नाही, जबाबदारी झटकायची, मग पदं कोणत्या कामाची?’ ठाकरेंनी पुढे प्रश्नांची मालिका झाडली — “दुबार मतदार नोंदणीपासून मतदार याद्यांतील घोळांवर जर आयोगाकडे उत्तरच नाही, आणि उत्तर द्यायची इच्छाच नाही, तर मग तुमचा उपयोग काय? जबाबदारी झटकली, उत्तरदायित्व नाकारलं, मग पदांच करायचं तरी काय?”

त्यांच्या या पोस्टने सोशल मीडियावर अक्षरशः धुरळा उडाला आहे. मनसेच्या कार्यकर्त्यांनी ठाकरेंच्या पोस्टला ‘राजसपणे’ दाद दिली, तर विरोधकांनीही आयोगाच्या भूमिकेवर प्रश्नचिन्ह उभं केलं आहे.

🎯 ‘आयोग की बाहुलं?’ की ‘लोकशाहीचा मुखवटा?’
राज ठाकरेंच्या या एका विधानाने निवडणूक आयोगाचं ‘स्वायत्त’ अस्तित्वच सवालाखाली आलं आहे. पुढची चाल आता आयोगाची — उत्तर देतात का, की नेहमीसारखं मौनच पाळतात?