✍️ महाराष्ट्र २४ | विशेष प्रतिनिधी | दि. २३ नोव्हेंबर २०२५ | वर्ष २०२५ चा शेवटचा महिना म्हणजे डिसेंबर. या महिन्यात देशभरातील विविध राज्यांमध्ये वेगवेगळ्या उत्सव आणि स्थानिक सणांमुळे बँकांना एकूण १८ दिवस सुट्टी राहणार आहे. त्यामुळे डिसेंबरमध्ये जर तुम्ही कोणतेही बँकिंग काम करण्याचा विचार करत असाल, तर आधी सुट्ट्यांची माहिती घेणे महत्त्वाचे ठरेल.
डिसेंबर महिन्यात बँका कोणत्या दिवशी बंद राहणार?
राज्यनिहाय सुट्ट्या
१ डिसेंबर – इंडिजिनस फेथ डे (अरुणाचल प्रदेश)
३ डिसेंबर – सेंट फ्रान्सिस झेविअर उत्सव (गोवा)
१२ डिसेंबर – पा तोगन नेंगमिंजा संगमा दिवस (मेघालय)
१८ डिसेंबर – गुरु घासीदास जयंती (छत्तीसगड), यू सोसो थम पुण्यतिथी (मेघालय)
१९ डिसेंबर – गोवा मुक्ती दिवस (गोवा)
२४ डिसेंबर – ख्रिसमस ईव (मेघालय, मिझोरम)
२५ डिसेंबर – ख्रिसमस (बहुतांश राज्यांमध्ये बँकांना सुट्टी)
२६ डिसेंबर – ख्रिसमस सेलिब्रेशन (मेघालय, मिझोरम, तेलंगाणा), शहीद उधमसिंह जयंती (हरियाणा)
२७ डिसेंबर – गुरु गोविंद सिंह जयंती (हरियाणा, पंजाब, हिमाचल प्रदेश)
३० डिसेंबर – यू कियांग नांगबाह दिवस (मेघालय), तामू लोसर (सिक्कीम)
३१ डिसेंबर – नववर्ष स्वागत (मिझोरम, मणिपूर)
साप्ताहिक सुट्ट्या
रविवार – ७, १४, २१, २८ डिसेंबर
दुसरा व चौथा शनिवार – १३ व २७ डिसेंबर
ऑनलाइन बँकिंग सुरूच
बँका सुट्टीमुळे बंद असल्या तरी ऑनलाईन बँकिंग, नेट बँकिंग, यूपीआय व्यवहार नेहमीप्रमाणे सुरू राहतील. तसेच एटीएममधून रोख रक्कमही काढता येईल. आजकाल जास्तीत जास्त व्यवहार डिजिटल माध्यमातून होत असल्याने बँकांच्या सुट्ट्यांमुळे ग्राहकांना अडचण येण्याची शक्यता कमी आहे.