🚨 रुपया ९०च्या उंबरठ्यावर! अर्थव्यवस्था जोरात, पण चलन मात्र कोसळतंय

Spread the love

✍️ महाराष्ट्र २४ | विशेष प्रतिनिधी | दिनांक २ डिसेंबर २०२५ | देशाची अर्थव्यवस्था ८.२% वाढ दाखवून परफॉर्मन्स करत बसली आहे… आणि आपला रुपया? तर तो मात्र सोमवारी थेट ८९.७९च्या तळाला जाऊन बसला! आशियातील सर्वात कमकुवत चलनांच्या यादीत वरचे स्थान पटकावण्याइतकी कामगिरी – हे नशीब आपल्यालाच! २१ नोव्हेंबरच्या ८९.६६च्या तळापेक्षा ही घसरण अजून खोल.

वाढती व्यापार तूट, भारत-अमेरिका कराराचा विलंब, आणि आरबीआयचा मूक प्रेक्षक मोड – या तिन्हींच्या संगतीनं रुपया अक्षरश: निस्तेज झाला आहे. शेअर बाजार जोरात, उत्पादन निर्देशांक वाढतोय… पण चलनाला मात्र हायनिषेध काहीच फायदा नाही. दबाव असाच वाढत राहिला तर आयात महाग, महागाई अजून महाग – एवढं समीकरण स्पष्ट!

अर्थतज्ज्ञ तर सरळ सांगतायत – “रुपयाचं अवमूल्यन थांबणं कठीण!” ट्रम्प-टैरिफचा तडाखा, FPIची १६ अब्ज डॉलरची पलायनगाथा आणि ऑक्टोबरची सर्वकालीन व्यापार तूट – हे सर्व मिळून रुपयाला जमिनीवर आणण्याचं काम करतायत. रिअल इफेक्टिव्ह एक्स्चेंज रेट ९७.४७पर्यंत घसरून आपलं चलन ‘अंडरव्हॅल्यूड’मध्ये नाव नोंदवतंय… थोडक्यात, ९०चा आकडा आता अगदी दारात!