✍️ महाराष्ट्र २४ | विशेष प्रतिनिधी | दिनांक ६ डिसेंबर २०२५ | आकुर्डी : त्रिमूर्ती मित्र मंडळ गंगानगर अकुर्डी, चाणक्य लोकसेवा संस्था आणि सर्व देणगीदार यांच्या संयुक्त विद्यमाने अन्नदान कार्यक्रमाचे आयोजन करण्यात आले. सामाजिक बांधिलकी जपणाऱ्या या उपक्रमास उपस्थितांची उत्स्फूर्त प्रतिसाद मिळाला. या प्रसंगी आकुर्डी खंडोबा देवस्थानचे नवनिर्वाचित अध्यक्ष चतुरजी पांढरकर यांचा विशेष सत्कार करून त्यांना शुभेच्छा देण्यात आल्या.
कार्यक्रमासाठी मार्गदर्शन श्री इरफानभाई सय्यद, श्री रवीभाऊ गोडेकर, श्री प्रज्योतजी कर्णे आणि श्री विजयजी हंगे यांनी केले.
या अन्नदान उपक्रमाला श्री लोकेश काळे, श्री दिनेश लोखंडे, श्री घनशाम चिकणे, श्री रामेश्वर राज माने, श्री रोशन काळे, श्री किशोर निगडे, श्री मुबीन शेख, श्री आशिष सूर्यवंशी, श्री सुमित बागल, श्री निलेश काळे, श्री शुभम पाटेकर, श्री प्रदीप गुजर, श्री वैभव तीकोन, श्री कीर्तीकुमार जाधव, श्री मंगेश खंडाळे आणि इतर मित्रपरिवार उपस्थित होते.या सामाजिक उपक्रमाचे यशस्वी आयोजन चाणक्य लोकसेवा संस्था महाराष्ट्र राज्य आणि त्रिमूर्ती मित्र मंडळ यांच्या सौजन्याने करण्यात आले.
मनोगत
“समाजासाठी काहीतरी करण्याची हौस असावी, फायदा–तोटा हिशोबाची नाही. गंगानगरमध्ये झालेलं अन्नदान हे आमच्यासाठी कार्यक्रम नव्हतं… ती एक बांधिलकी होती. त्रिमूर्ती मित्र मंडळ, चाणक्य लोकसेवा संस्था, देणगीदार—सगळे एकत्र येतो तेव्हा काम मोठं होतं, आणि मनही.
खंडोबा देवस्थानचे नवनिर्वाचित अध्यक्ष चतुरजी पांढरकर यांचा आम्ही सत्कार केला; पण खरं सांगायचं तर, सत्कार व्यक्तीचा नसतो—तो तिच्या सेवाभावाचा असतो. आणि सेवाभावाला मंच लागत नाही, माणसं लागतात.
लोक म्हणतात समाज बदलायला वेळ लागतो… मला वाटतं समाज बदलायला वेळ नाही, मन लागतं. आज जी माणसं या उपक्रमाला आली—तीच आमची खरी ताकद. उद्या पुन्हा कुठे उभं राहायचं ते आम्ही बघू, पण जेव्हा समाजासाठी बोलावणं येतं ना, तेव्हा उत्तर एकच—‘होय, आम्ही आहोत!’
सेवा करायची म्हणजे मोठे बॅनर, मोठ्या घोषणा लागत नाहीत. थोडं मन, थोडा वेळ आणि थोडी माणुसकी— एवढंच पुरेसं आहे.”
— मंगेश खंडाळे