महाराष्ट्र 24 | विशेष प्रतिनिधी | दि. १४ जानेवारी | २०२६ हे वर्ष सरकारी कर्मचाऱ्यांसाठी आनंदाचे ठरणार आहे. आठव्या वेतन आयोगाच्या अंमलबजावणीसोबतच आता महागाई भत्ता (DA) देखील वाढवला जाणार आहे. वर्षभरात महागाई भत्ता दोनदा — जानेवारी आणि जून — वाढवला जातो, आणि यंदा जानेवारीत नवीन DA लागू होणार आहे.
महागाई भत्ता ऑल इंडिया कंज्यूमर प्राइस इंडेक्स फॉर इंडस्ट्रियल वर्कर्स (AICPI-IW) वर आधारित ठरवला जातो. नोव्हेंबर २०२५ मध्ये हा आकडा १४८.२ होता. त्यानुसार कर्मचाऱ्यांचा डीए व डीआर निश्चित केला जातो. मागील जुलै महिन्यात महागाई भत्ता ५४% वरून ५८% करण्यात आला होता.
सध्याच्या आकडेवारीनुसार जानेवारीत महागाई भत्ता ३–५% ने वाढण्याची शक्यता आहे. डिसेंबर महिन्यात AICPI-IW जर नोव्हेंबरच्या तुलनेत स्थिर राहिला, तर DA ३% वाढून ६१% होईल; तर जर AICPI-IW वाढला तर ५% वाढ होऊन DA ६३% पर्यंत जाऊ शकतो.
सरकारी कर्मचाऱ्यांसाठी हा महत्त्वाचा आर्थिक लाभ ठरणार आहे, कारण महागाई भत्ता थेट त्यांच्या खिशावर परिणाम करतो. यामुळे दररोजच्या खर्चात मदत होईल आणि उत्पन्नात थोडी स्थिरता येईल.