✍️ महाराष्ट्र २४ ।। ऑनलाईन ।। विशेष प्रतिनिधी ।। दि. १८ मार्च २०२६ ।। पोस्ट विभागाने ग्राहकांसाठी मोठी दिलासादायक सेवा सुरू केली आहे. ठरलेल्या वेळेत पार्सल न पोहोचल्यास आता ग्राहकांना ‘मनी-बॅक गॅरंटी’ मिळणार आहे. केंद्रीय दळणवळण मंत्री Jyotiraditya Scindia यांच्या हस्ते या नव्या प्रीमियम स्पीड पोस्ट सेवेचा शुभारंभ करण्यात आला. सुरुवातीला Mumbai, Delhi, Chennai, Kolkata, Bengaluru आणि Hyderabad या सहा शहरांत ही सेवा उपलब्ध होणार आहे.
या सेवेनुसार २४ किंवा ४८ तासांत पार्सल पोहोचवण्याची हमी दिली जाणार आहे. जर या कालावधीत डिलिव्हरी झाली नाही, तर ग्राहकांना पूर्ण पैसे परत दिले जातील. यासोबतच ओटीपी-आधारित सुरक्षित वितरण, एंड-टू-एंड ट्रॅकिंग आणि रिअल-टाइम एसएमएस अलर्ट यांसारख्या आधुनिक सुविधा देण्यात आल्या आहेत. त्यामुळे पार्सलची सुरक्षितता आणि पारदर्शकता दोन्ही वाढणार आहेत.
मोठ्या ग्राहकांसाठी ‘बुक नाऊ, पे लेटर’ सुविधा, एपीआय इंटिग्रेशन आणि केंद्रिकृत बिलिंगची सोयही उपलब्ध करून देण्यात आली आहे. तसेच मोठ्या शिपमेंटसाठी मोफत पिकअपची सुविधाही दिली जाणार आहे. मार्च २०२७ पर्यंत ही सेवा देशभर विस्तारण्याचा सरकारचा मानस असून, यामुळे पोस्ट सेवांमध्ये मोठी क्रांती घडण्याची शक्यता आहे. 📦🚀