महाराष्ट्र 24 । विशेष प्रतिनिधी । दि.८ । पुणे । ईमेल लिहिल्यानंतर अनेक वेळा अनेक दिवस त्याचे उत्तर मिळत नाही. दरखेपेस उत्तर मिळत नसेल तर याचा अर्थ असा नाही की ती व्यक्ती तुमच्याकडे दुर्लक्ष करत आहे. तिला ईमेल पाठवताना तुम्ही कचराल. त्यासाठी प्रभावी ईमेल लिहिण्याच्या पाच पद्धती.
खूप नम्र, मैत्रीपूर्ण शब्दांमध्ये लिहा
ईमेलची उणीव म्हणजे त्यातून तुमचा ‘उद्देश’ लक्षात येतोच असे नाही. तुम्ही जे काही लिहिले आहे, ते कोणत्या भावनेने लिहिले हे सांगता येत नाही. म्हणून इ-मेल लिहिताना खूप सजग राहा. नम्रपणे व मैत्रिपूर्ण शब्दांचा वापर करा. वाचणाऱ्यास तुमच्या संदेशात कोठेही वाईट वाटू नये, याची काळजी घ्या.
विषयाच्या ओळीतच म्हणणे स्पष्ट करा
संशोधन सांगते की कुणालाही तुम्ही इ-मेल लिहिताना विषय किमान चार शब्दांत लिहायला हवा. याशिवाय ‘फॉलोइंग अप’ सारखे सामान्य शब्द वापरायचे कटाक्षाने टाळा. ज्यातून समोरच्या व्यक्तीला तुमच्या म्हणण्याचा प्राथमिक अंदाज पूर्णपणे येईल, असेच लिहा. जसे ‘नेक्स्ट स्टेप्स ऑन प्रोजेक्ट.’
कमी शब्दांत व्यक्त करण्याचा प्रयत्न करा
स्वत:चा मुद्दा कमी शब्दांत मांडण्याची सवय लावून घ्या. इ-मेल स्पष्ट व कमी शब्दांत असावा. लांबलचक इ-मेल पाहून लोक घाबरून जातात. अशा वेळी ते या मेलला टाळतात किंवा नंतर वाचण्यासाठी ठेवून टाकतात.