महाराष्ट्र २४ – ऑनलाईन – विशेष प्रतिनिधी – मुंबई – दि. ३१ – भारतीय बॉलिवूड अभिनेता अजय देवगणला दिल्ली येथील पबबाहेर मारहाण केल्याचा व्हिडियो सोशल मीडियावर मोठ्या प्रमाणात व्हायरल होत आहे. या व्हिडिओमध्ये दावा करण्यात येतोयं की, अभिनेता अजय देवगनचे पबच्या बाहेर भांडण झाले आणि या भांडणात लोकांनी त्यांना जोरदार मारहाण केली. यासंबंधी अजय देवगनने आपल्या सोशल मीडिया हँडलवर पोस्ट शेअर करत हा व्हिडीओ बनावट असल्याचे सांगितले.
Some ‘doppelgänger’ of mine seems to have got into trouble.
I’ve been getting concerned calls. Just clarifying, I’ve not traveled anywhere. All reports regarding me being in any brawl are baseless. Happy Holi— Ajay Devgn (@ajaydevgn) March 29, 2021
बॉलिवूड अभिनेता अजय देवगणने आपल्या ट्विटर हँडलवरुन एक पोस्ट शेअर करत त्या गोष्टीचे खंडन केले आहे. त्यामध्ये त्यांनी लिहले की, ” असे वाटत आहे की, माझ्यासारख्या दिसणारा कोणीतरी व्यक्ती अडचणीत सापडला आहे. मला या व्हिडीओसंबंधी मोठ्या प्रमाणात कॉल येत आहे. मी स्पष्ट करतो की, मी कुठेही प्रवास केला नसून माझ्याबाबतीत चालणारा बातम्या निराधार आहेत. हॅप्पी होळी.”