महाराष्ट्र २४ । ऑनलाईन । विशेष प्रतिनिधी । दि.१८ एप्रिल ।पुणे ।
मेष -अचानक लहान-मोठा फायदा होऊ शकतो. पैशांबाबत चिंता राहील. काही कामं अपूर्ण राहू शकतात किंवा कामात अडथळे येण्याची शक्यता आहे. हाती घेतलेल्या कामाचा बारकाईने विचार करा. मित्रांची मदत होईल. मित्र, कुटुंबासोबत वेळ घालवाल.
वृषभ – कामात मन लागणार नाही. कामं पूर्ण करण्यासाठी अधिक वेळ लागू शकतो.तुमच्यासाठी घेतले गेलेले निर्णय योग्य ठरु शकतात. काम करण्याच्या पद्धतीत बदल होऊ शकतो. विचार केलेली कामं पूर्ण कराल.
मिथुन – अधिकतर वेळ एकट्यात जाऊ शकतो. मित्रांसोबत वाद होऊ शकतो. नोकरी, करियर बदलण्याचा विचार करु शकता. काहीतरी वेगळं, हटके करण्याची इच्छा असेल. मित्रांसोबत वेळ घालवू शकता.
कर्क – नुकसान होण्याची शक्यता आहे. काही गोष्टींमध्ये फसवणूक होण्याची शक्यता आहे. करियर, गुंतवणूक याबाबत निर्णय घेण्यासाठी दिवस योग्य नाही.तुमच्या इच्छेनुसार कामं करा. महत्त्वाचं काम करण्याकडे तुमचं लक्ष राहील. गुंतवणूक करण्याचा विचार कराल.
सिंह -जवळपासच्या लोकांमुळेही त्रास होण्याची शक्यता आहे. विचार करुन पुढे जाल, त्यामुळे यश मिळेल. विचार केलेली कामं पूर्ण होतील. मोठा निर्णय घेताना त्रास होऊ शकतो.
कन्या – कामासाठी अधिक वेळ द्यावा लागेल. जबाबदारीची कामं लक्षपूर्वक आणि सावधपणे करा. कामात कमी जाणवेल. तब्येतीची काळजी घ्या.तुमचे विचार योग्यरित्या मांडून परिस्थिती बदलण्यास मदत होऊ शकते. स्थिरता, सुरक्षितता जाणवेल.
तुळ – महत्त्वाच्या कामांकडे लक्ष द्या. विचार करुनच तुमचं म्हणणं इतरांसमोर मांडा. भांडण, गैरसमज होण्याची शक्यता आहे. महत्त्वकांक्षी आणि उत्साही राहाल. समजदारीने यश मिळेल.
वृश्चिक – जुन्या गोष्टींवर विचार करु नका. येणाऱ्या दिवसांची चिंता राहील. व्यवहारात सावध राहा. चांगली बातमी मिळू शकते. येणाऱ्या दिवसांत फायदा होण्याची शक्यता आहे. स्वत:साठी वेळ काढा.
धनु – पैशांचे नुकसान होण्याची शक्यता आहे. मनातील गोष्ट कोणाशीही शेअर करु नका. मोठ्या कामासाठी दिवस चांगला नाही. नवीन कामाची सुरुवात करु नका. विचार करुनच कामं करा. चांगल्या संधी मिळण्याची शक्यता आहे. स्वत:साठी काय योग्य असेल हे समजण्याचा प्रयत्न करा. धीर ठेवा.
मकर -लोकांचं तुमच्याकडे लक्ष राहील. कोणताही निर्णय घेताना विचार करा, अन्यथा नुकसान होण्याची शक्यता आहे. वाद न करता काम करण्याचा प्रयत्न करा. विचार करुनच पुढे जा. पैसे वाचवण्याचा प्रयत्न करा. घर-वाहन खरेदी करु शकता. नवीन ओळखी होऊ शकतात.
कुंभ – विचाराधिन असलेली कामं पूर्ण होऊ शकतात. अधिक मेहनत करावी लागू शकते. महत्त्वपूर्ण गोष्टींवर नवीन योजना आखू शकता. दिवस ठिक आहे.
मीन – अनेक समस्यांवर मार्ग मिळू शकतो. कोणाच्याही कामात अडसर आणू नका. पैशांबाबत चिंता राहील. परिवार आणि मित्रांसोबत दिवस चांगला जाईल. तुमच्या विचारांचा, पद्धतीचा वापर केल्यास सफलता मिळेल.
