महाराष्ट्र २४ । ऑनलाईन । विशेष प्रतिनिधी ।मुंबई । दि.२६ एप्रिल ।आज मल्टी कमॉडिटी एक्सचेंजमध्ये सोने आणि चांदीच्या किमतीत वाढ झाली आहे. सध्या एमसीएक्सवर सोन्याचा भाव ४७६५० रुपये असून त्यात १०० रुपयांची वाढ झाली आहे. तर एक किलो चांदीचा भाव ६८५४३ रुपये असून त्यात मात्र १३१ रुपयांची घसरण झाली आहे.
गेल्या आठवड्यात शुक्रवारी कमॉडिटी बाजारात सोन्याचा भाव १३९ रुपयांनी घसरला होता. तर गुरुवारी बाजार बंद होताना सोन्यात ४०२ रुपयांची घसरण झाली होती. सोन्याचा भाव प्रती १० ग्रॅम ४७८२६ रुपयांवर स्थिरावला होता. त्याआधी सोन्यात तेजी दिसून आली. सोन्याने ४८२०० रुपयांची पातळी गाठली होती. चांदीलादेखील गेल्या आठवड्यात नफेखोरीचा फटका बसला होता. शुक्रवारी ‘एमसीएक्स’वर सध्या एक किलो चांदीचा भाव ६८८०२ रुपये आहे. त्यात ४१६ रुपयांची घसरण झाली होती. आज देखील चांदीवरील दबाव कायम आहे.
Goodreturns या वेबसाईटनुसार आज सोमवारी मुंबईत २२ कॅरेट सोन्याचा भाव ४४९३० रुपये आहे तर २४ कॅरेटचा भाव ४५९३० रुपये आहे. दिल्लीत आजचा २२ कॅरेट सोन्याचा भाव ४६२३० रुपये झाला आहे. २४ कॅरेटसाठी सोन्याचा भाव ५०४५० रुपये आहे. आज चेन्नईत २२ कॅरेटसाठी ४४७५० रुपये तर २४ कॅरेट सोन्याचा भाव ४८८२० रुपये आहे. कोलकात्यात २२ कॅरेट सोन्याचा भाव ४७४२० रुपये असून २४ कॅरेट सोन्याचा भाव ४९६९० रुपये आहे.
करोना संकटाच्या तीव्रतेने जागतिक बाजारात सोन्याच्या किमतीवर परिणाम होत आहेत. शुक्रवारी अमेरिकन कमॉडिटी बाजारात स्पॉट गोल्डचा भाव ०.२९ टक्क्यांनी घसरला होता. तो प्रती औंस १७७६.७५ डॉलरवर बंद झाला होता. यूएस बॉण्ड यिल्डचा परिणाम सोन्यावर दिसून आला. चांदीचा भाव प्रती औंस २६.०४ डॉलर झाला त्यात ०. ५४ टक्के घसरण झाली होती.