आता ‘गुगल पे’ वापरुन सोन्याची खरेदी-विक्री करता येईल ; पहा प्रक्रिया

Spread the love

महाराष्ट्र २४ । विशेष प्रतिनिधी । दि. १९ सप्टेंबर । सोने खरेदी करण्यासाठी आता तुम्हाला दुकानात जाण्याची गरज नाही. कारण आपण दररोज पैसे ट्रान्सफर करण्यासाठी वापरत असलेल्या ‘गुगल पे’ वरुनही आता सोनं खरेदी करता येईल. एवढंच नव्हे तर ‘गुगल पे’ वर सोनं साठवून ठेवण्याचीही सुविधा असेल.

त्यामुळे तुम्हाला घरात सोनं ठेवण्याची जोखीमही पत्कारावी लागणार नाही. गुगल पे (Google Pay) आणि पेटीएम वॉलेटकडून (PayTm) ही सुविधा सुरु करण्यात आली आहे. या दोन्ही पेमेंट वॉलेटच्या माध्यमातून तुम्ही डिजिटल गोल्ड खरेदी करु शकता. एवढेच नव्हे तर तुम्ही ‘गुगल पे’वरुन या सोन्याची विक्रीही करू शकता.

सोने खरेदी करण्यासाठी: सर्वप्रथम गुगल पे अॅप सुरु करा. स्क्रीनच्या खालच्या बाजूला असणाऱ्या New Payment ऑप्शनवर क्लिक करा. त्यानंतर सर्च बारमध्ये तुम्हाला गोल्ड लॉकर हा पर्याय दिसेल, त्यावर क्लिक करा. Buy बटणावर क्लिक करा. तुम्हाला स्क्रीनवर सोन्याचे दर दिसू लागलीत. यामध्ये टॅक्सचाही समावेश असेल.

तुम्ही सोने खरेदी करताना स्क्रीनवरील किंमत 5 मिनिटांसाठी लॉक होईल. तुम्ही किती सोने खरेदी करायचे आहे, याचा तपशील स्क्रीनवर भरावा. त्यानंतर चेक मार्कवर क्लिक करावे. प्रोसिड बटनवर क्लिक करून व्यवहार पूर्ण करावा. व्यवहार पूर्ण झाल्यानंतर तुमच्या डिजिटल लॉकरमध्ये सोनं जमा झालेलं दिसेल.

सोनं विकण्यासाठी: सोने खरेदी करण्यासाठी: सर्वप्रथम गुगल पे अॅप सुरु करा. स्क्रीनच्या खालच्या बाजूला असणाऱ्या New Payment ऑप्शनवर क्लिक करा. त्यानंतर सर्च बारमध्ये तुम्हाला गोल्ड लॉकर हा पर्याय दिसेल, त्यावर क्लिक करा. Sell बटणावर क्लिक करा. तुम्हाला बाजारभाव दिसायला लागतील तुम्हाला हव्या असलेल्या बाजारभावानुसार सोनं विकायची प्रक्रिया सुरु केल्यानंतर स्क्रीनवरील किंमत 8 मिनिटांसाठी फ्रीज होईल. किती सोनं विकायचं आहे, ते स्क्रीनवर मेन्शन करा. त्यानुसार तुम्हाला मिळणारे पैसे दिसतील. चेक मार्कवर क्लिक करा. व्यवहार पूर्ण झाल्यानंतर तुम्हाला सोन्याची विक्री करुन मिळालेले पैसे स्क्रीनवर दिसतील.

‘गुगल पे’च्या माध्यमातून तुम्ही एका दिवसात 50000 रुपयांचे सोने खरेदी करु शकता. तुम्हाला किमान 1 ग्रॅम सोनं खरेदी करावे लागेल. सोनं खरेदी करण्यासाठी केवायसीच्या नियमांची पूर्तता करणे गरजेचे आहे.