महाराष्ट्र २४ । विशेष प्रतिनिधी । दि. १ ऑक्टोबर । भारतासह जगभरात इलेक्ट्रिक वाहनांची मागणी कमालीची वाढतेय. आता चीनी कार निर्माता वुलिंग होंगगुआंगने (Wuling HongGuang) नवीन इलेक्ट्रिक कार सादर केली आहे. यापूर्वी, कंपनीने बाजारात मिनी इलेक्ट्रिक कार लाँच केली होती आणि २०२० मध्ये त्या कारच्या ११९,२५५ युनिट्सची विक्री केली होती. ही इलेक्ट्रिक कार दुसऱ्या क्रमांकाची सर्वाधिक विक्री होणारी EV होती. आता कंपनीने आपली नवीन कार ‘नॅनो’ नावाने सादर केली आहे. भारतीय कार उत्पादक टाटा मोटर्सनेही (Tata Motors) बाजारात याच नावाची सर्वात स्वस्त कार लाँच केली होती, जी त्यांच्या उत्पादन लाइनअपमध्ये सर्वात लहान कार होती. CarNewsChina च्या रिपोर्ट्सनुसार, ‘वूलिंग नॅनो’ ही केवळ सर्वात लहान इलेक्ट्रिक कार नव्हे, तर जगातील सर्वात स्वस्त इलेक्ट्रिक कारही ठरण्याची शक्यता आहे. मारुतीच्या सर्वात स्वस्त अल्टो कारपेक्षाही या इलेक्ट्रिक कारची किंमत कमी असणार आहे. तर २ मिनिटात बघूया किंमत आणि रेंजबाबत सविस्तर –
पूर्ण चार्ज केल्यानंतर ३०५ किमी पर्यंत रेंज –
Wuling Nano EV ची इलेक्ट्रिक मोटर ३३ बीएचपी पॉवर आणि ८५ एनएम पीक टॉर्क जनरेट करू शकते. कंपनीचा दावा आहे की, ही कार १०० किमी प्रतितास वेग गाठू शकते. कंपनीने नॅनो EV च्या सीटखाली 28 kWh IP67- प्रमाणित लिथियम-आयन बॅटरी दिली आहे. या बॅटरीच्या मदतीने Nano EV ही छोटी इलेक्ट्रिक कार एकदा पूर्ण चार्ज केल्यानंतर ३०५ किमी पर्यंत प्रवास करू शकते.
टाटा नॅनोपेक्षाही आकाराने लहान –
वूलिंग नॅनो EV ची लांबी २,४९७ मिमी, रुंदी १,५२६ मिमी आणि उंची १,६१६ मिमी आहे, ज्यामुळे ती टाटा नॅनोपेक्षा आकाराने लहान आहे. याचा व्हीलबेस १,६०० मिमी आहे. दुसरीकडे, भारतात विकल्या जाणाऱ्या टाटा नॅनोबद्दल बोलायचे झाले तर त्याची लांबी ३ मीटरपेक्षा जास्त होती. वूलिंगच्या मते, नियमित २२०-व्होल्ट घरातल्या चार्जिंग सॉकेटचा वापर करून या कारची बॅटरी पूर्णपणे रिचार्ज करण्यासाठी १३.५ तास लागतात, तर ६.६ किलोवॅट एसी चार्जरसह ४.५ तासात बॅटरी चार्ज करता येते.
Wuling Nano EV मध्ये फक्त २ सीट –
wuling-nano-ev-
जगातील सर्वात मोठ्या EV बाजारातील कार उत्पादकांच्या मोठ्या SAIC-GM-Wuling गटाचा भाग असलेल्या Wuling Hong Guang ने 2021 Tianjin International Auto Show मध्ये नवीन इलेक्ट्रिक कार Wuling Nano EV चे अनावरण केले आहे. ही कार Baojun E200 च्या पर्यायी आवृत्तीसारखी दिसते. ही इलेक्ट्रिक कार वूलिंग होंगगुआंगने बनवली आहे. विशेष गोष्ट म्हणजे ती शहरी वापरासाठी तयार करण्यात आली आहे आणि या इलेक्ट्रिक कारमध्ये फक्त दोन सीट आहेत आणि कारचा टर्निंग रेडियस ४ मीटरपेक्षाही कमी आहे, यावरून आकार किती कॉम्पॅक्ट असेल याचा अंदाज येतो.
अल्टोपेक्षाही स्वस्त –
CarNewsChina च्या एका रिपोर्टनुसार, चीनमधील सर्वाधिक विकल्या जाणाऱ्या कॉम्पॅक्ट इलेक्ट्रिक कार Wuling Hongguang Mini EV पेक्षा Wuling Nano EV स्वस्त असेल. Wuling Nano EV ला चीनी बाजारात २०,००० युआन या किंमतीत लाँच केले जाईल, म्हणजे भारतीय चलनानुसार सुमारे २.३० लाख रुपये या कारची किंमत असेल. याचाच अर्थ Wuling Nano EV ची किंमत भारतीय बाजारात विकल्या जाणाऱ्या मारुती सुझुकीच्या सर्वात स्वस्त अल्टोपेक्षाही कमी असेल.