महाराष्ट्र २४ । विशेष प्रतिनिधी । दि २० फेब्रुवारी । शिवसेना खासदार (Shiv Sena MP) संजय राऊत(Sanjay Raut) यांनी भाजपसाठी आक्षेपार्ह शब्दांचा (offensive language) वापर केला आहे. यावर भाजपची प्रतिक्रिया समोर आली आहे. भाजप प्रदेशाध्यक्ष (BJP state president) चंद्रकांत पाटील यांनी त्याच भाषेचा वापर करुन संजय राऊतांना उत्तर दिलं आहे. संजय राऊतांना आता चौकशी होणार कळल्यामुळे ते सैरभैर झालेत, अशा शब्दात चंद्रकांत पाटील (Chandrakant Patil) यांनी राऊतांवर हल्लाबोल केला आहे.
मी मुख्यमंत्री उद्धव ठाकरेंना विनंती केली असून संजय राऊत यांना आवरा, असंही चंद्रकांत पाटील यांनी म्हटलं आहे.हे बोलताना चंद्रकांत पाटील यांनीही त्याच आक्षेपार्ह शब्दांचा वापर केला आहे.
तेलंगणाचे मुख्यमंत्री के. चंद्रशेखर राव (Telangana CM K. Chandrashekhar Rao) आज मुख्यमंत्री उद्धव ठाकरेंची (CM Uddhav Thackeray) भेट घेणार आहेत. या भेटीसाठी सोनिया गांधींची परवानगी घेण्यात आली असल्याचं भाजप नेते किरीट सोमय्या म्हणाले. त्यावर आता खासदार संजय राऊतांनी उत्तर दिलंय.
हे लोक चु# आहेत. 2024 च्या लोकसभा निवडणुकीनंतर देशात अशा चु# लोकांना स्थान उरणार नाही, अशी जळजळीत टीका शिवसेना खासदार संजय राऊत यांनी केली. किरीट सोमय्यांनी सवाल उपस्थित केला होता की, केसीआर आणि मुख्यमंत्री उद्धव ठाकरे यांच्या भेटीसाठी सोनिया गांधींकडून परवानगी घेण्यात आली का?
त्यावर संजय राऊतांनी उत्तर दिलं की, असं कोण म्हणालं? देशात असे चु## लोक खूप आहेत. अशा लोकांना प्रश्न विचारणं शोभत नाही. राजकारण देशातील अशा चु## लोकांना 2024 नंतर संपवून टाकेल. 2024 नंतर देशातील राजकारण अत्यंत पारदर्शक असेल. 10 मार्चनंतर आपल्याला हे समजून येईल. महाराष्ट्राच्या मुख्यमंत्र्यांना कोणी भेटायला येत असेल तर त्यांचा अशाप्रकारे अपमान करणं हा महाराष्ट्राच्या मुख्यमंत्र्यांचा अपमान आहे. अशा चु## लोकांना केंद्र सरकार सुरक्षा पुरवते.,