महाराष्ट्र २४ । विशेष प्रतिनिधी । दि ४ मार्च । दिशा सालीयान आत्महत्या प्रकरणी नारायण राणे आणि नितेश राणे विरोधात मालवणी पोलीस स्थानकात गुन्हा नोंद आहे. या प्रकरणात दिंडोशी न्यायालयाकडून या पिता-पुत्रांना दिलासा मिळाला आहे. 10 मार्चपर्यंत दोघांना अटक न करण्याचे आदेश न्यायालयाने दिले.
याप्रकरणी गुन्हा नोंद झाल्यानंतर चौकशीला हजर राहण्यासाठी नोटीस संबंधित ठाण्याच्या पोलिसांनी पाठवली आहे. मात्र, दिंडोशी न्यायलयाकडून त्यांना अंतरिम दिलासा मिळाला. दिशा सालीयनवर लैंगिक अत्याचार झाल्याचा आरोप राणे पिता-पुत्रांनी केला होता. त्यानंतर दिशासालीयानच्या आई आणि वडिलांनी राज्य महिला आयोगाकडे तक्रार केली होती. याप्रकरणी राणे पितापुत्रांना अटकेची शक्यता वर्तवण्यात आली. तत्पुर्वी राणे पितापुत्रांनी पोलिस ठाण्यात हजर राहण्याबाबतची वेळ वाढवून मागितली होती. नितेश राणेना ३ मार्च तर नारायण राणेंना ४ मार्च रोजी हजर राहण्याचं सांगितलं आहे. मात्र, त्यांनी आता पोलिस ठाण्यात उपस्थित राहण्यासाठीची वेळ वाढवून मागितली आहे. दोघांनीही ५ मार्चला दुपारी १ वाजेपर्यंत मालवणी पोलिस ठाण्यात उपस्थित राहणार असल्याचं म्हटलंय.