महाराष्ट्र २४ । विशेष प्रतिनिधी । दि.१६ मार्च । कोरोना अजूनही पूर्णपणे संपलेला नसल्यानं मास्कचा वापर, सोशल डिस्टन्सिंग या गोष्टींचं पालन करणं गरजेचं आहे. सध्या कोरोनाचं प्रमाण कमी झाल्यानं अनेक निर्बंध शिथिल केले आहेत. आता उद्या, 17 तारखेला होळीचा सण महाराष्ट्रात साजरा केला जाणार आहे. मात्र, या होळी आणि धुळवड सणाच्या निमित्ताने गृहखात्याने नवी नियमावली जारी केली आहे.
राज्यात सध्या दहावी आणि बारावीच्या परीक्षा असल्याने लाऊड स्पीकर जोरात लावू नये अशी देखील सूचना देण्यात आली आहे. जोरात लाऊड स्पीकर लावल्यास कारवाई केली जाणार आहे.
होळी धुळवडीसाठी सरकारची नियमावली
रात्री दहाच्या आत होळी करावी.
दहाच्या आत होळी लावणे बंधनकारक.
डीजे लावण्यास बंदी, डीजे लावल्यास कायदेशीर बंदी.
होळी साजरी करताना मद्यपान आणि बीभत्स वर्तन केल्यास कारवाई.
महिलांची आणि मुलींची खबरदारी घ्यावी.
दहावी आणि बारावीच्या परीक्षा असल्याने लाऊड स्पीकर जोरात लावू नये,जोरात लावल्यास कारवाई.
कोणत्याही जाती,धर्माच्या भावना दुखावतील अशा घोषणा देऊ नये.
धुलवडीच्या दिवशी जबरदस्तीने रंग, पाण्याचे फुगे फेकू नये.