महाराष्ट्र २४ । विशेष प्रतिनिधी । दि.१७ जून । सोनं खरेदी करण्यासाठी विविध पर्याय उपलब्ध आहेत. त्यात आता सरकार जनतेला स्वस्त दरात सोने (Gold) खरेदी करण्याची संधी देत आहे. पुन्हा एकदा सॉव्हरेन गोल्ड बाँडमध्ये गुंतवणूक करण्याची संधी चालून आली आहे. रिझर्व्ह बँक ऑफ इंडिया (Reserve Bank of India) ने सांगितले की सॉव्हरेन गोल्ड बाँड योजना 2022-23 ची (Sovereign Gold Bond Scheme 2022-23) पहिली सीरिज 20 जून 2022 पासून पाच दिवसांसाठी खरेदीसाठी उघडली जाणार आहे. या काळात गुंतवणूकदारांना बाजारापेक्षा कमी दरात सोने खरेदी करण्याची संधी मिळेल.
आरबीआयने सांगितले की, सॉव्हरेन गोल्ड बाँड 2022-23 ची दुसरी सीरिज 22 ते 26 ऑगस्ट दरम्यान अर्जासाठी उपलब्ध असेल. रिझर्व्ह बँक ऑफ इंडिया भारत सरकारच्या वतीने बाँड जारी करते. हे फक्त निवासी व्यक्ती, हिंदू अविभक्त कुटुंबे (HUF), ट्रस्ट, विद्यापीठे आणि धर्मादाय संस्थांना विकले जाऊ शकतात. गेल्या आर्थिक वर्ष 2021-22 मध्ये, एकूण 12,991 कोटी रुपयांच्या 10 हप्त्यांमध्ये SGBs जारी करण्यात आले होते.
RBI ने सांगितले की, “SGB चा कार्यकाळ 8 वर्षांचा असेल, 5 व्या वर्षानंतर मुदतपूर्व पूर्तता होण्याची शक्यता आहे. ज्या तारखेला व्याज देय असेल त्या तारखेला हा पर्याय वापरता येईल.
बॉण्ड खरेदी मर्यादा कमाल 4 किलो पर्यंत
सॉव्हरेन गोल्ड बाँड योजनेत, एखादी व्यक्ती एका आर्थिक वर्षात जास्तीत जास्त 4 किलो सोन्याचे रोखे खरेदी करू शकते. किमान गुंतवणूक एक ग्रॅम आहे. त्याच वेळी, ट्रस्ट किंवा तत्सम संस्था 20 किलोपर्यंतचे रोखे खरेदी करू शकतात.
ऑनलाइन खरेदीवर 50 रुपये प्रति ग्रॅम सूट मिळेल
डिजीटल माध्यमातून गोल्ड बाँडसाठी अर्ज करणार्‍या आणि पेमेंट करणार्‍या गुंतवणूकदारांसाठी इश्यूची किंमत 50 रुपये प्रति ग्रॅमने कमी असेल. RBI ने सांगितले की, गुंतवणूकदारांना निश्चित किंमतीवर सहामाही आधारावर वार्षिक 2.5 टक्के व्याज दिले जाईल.