प्रकाश आमटेंची प्रकृती खालावली पुन्हा रुग्णालयात दाखल

महाराष्ट्र २४ । विशेष प्रतिनिधी । दि.२९ जून । समाजसेवक प्रकाश आमटे (social worker prakash amate) यांना पुन्हा एकदा पुण्यातील दीनानाथ रुग्णालयात दाखल (pune dinanath mangeshkar hospital) करण्यात आले आहे. अशी माहिती त्यांचा मुलगा अनिकेत आमटे (son aniket amate) यांनी दिली आहे. प्रकाश आमटे यांना हेअरी सेल ल्युकेमिया ब्लड कॅन्सरचे (Hair cell leukemia blood cancer) निदान झाल्याने १३ जून रोजी दीनानाथ मंगेशकर रुग्णालयात उपचार सुरू होते. त्यानंतर बरे झाल्याने त्यांना रुग्णालयातून डिस्चार्ज देण्यात आले होते. मंगळवारी 28 जून रोजी पुन्हा ताप आल्याने परत भरती करण्यात आल्याचे मुलगा अनिकेत यांनी सांगितले आहे.

प्रकाश आमटे यांच्यावर दीनानाथ मंगेशकर रुग्णालयात उपचार सुरू आहेत. त्यांना भेटण्यासाठी अनेक मान्यवर येत आहेत. यामुळे उपचारामध्ये अडथळे येत असल्याचे दिसून आले आहे. यामुळे मुलगा अनिकेत यांनी फेसबुकवर पोस्ट करत माहिती दिली आहे. डॉक्टरांकडून सर्व व्हिजिटर्सना प्रवेश पूर्ण बंद केला आहे. बाबांच्या फोनवर कॉल करू नये. त्यांना अजून खूप ताप आहे. गेले ५ दिवस पुन्हा इन्फेक्शन झाले आहे. २८ रोजी काही टेस्ट होतील. त्याचे रिपोर्ट सोशल मीडियावर माहिती दिली जाईल. उपचार करणाऱ्या डॉक्टरांनाही कॉल करून त्रास देऊ नये, असे आवाहन अनिकेत आमटे यांनी केले आहे.